ഏഷ്യാ കപ്പ് 20 ട്വന്റി ക്രിക്കറ്റ്; ഇന്ത്യ ഫൈനലിൽ. സൂപ്പർ ഫോറിലെ രണ്ടാം മത്സരത്തിൽ ബംഗ്ലാദേശിനെ 41 റൺസിന് തോല്പിച്ചാണ് ഇന്ത്യ ഫൈനൽ ബർത്തിൽ ഇടം പിടിച്ചത്. ഇന്ത്യ ഉയർത്തിയ 169 റൺസ് വിജയലക്ഷ്യം പിന്തുടർന്ന ബംഗ്ളാദേശ് മൂന്ന് പന്തുകൾ ബാക്കി നില്ക്കേ 127 റൺസിന് പുറത്താവുകയായിരുന്നു.ഇന്ത്യയ്ക്കായി കുൽദീപ് യാദവ് മൂന്നും, ജസ്പ്രീത് ബുംമ്ര, വരുൺ ചക്രവർത്തി എന്നിവർ രണ്ട് വീതം വിക്കറ്റും വീഴ്ത്തി. സൈഫ് ഹസ്സനാണ് ബംഗ്ളാദേശ് നിരയിലെ ടോപ്പ് സ്കോറർ( 69 ).നേരത്തെ ഓപ്പണർ അഭിഷേക് ശർമ്മയുടെ അർദ്ധ സെഞ്ച്വറിയാണ് (75)ഇന്ത്യയ്ക്ക് ഭേദപ്പെട്ട സ്കോർ സമ്മാനിച്ചത്. ഹർദ്ദിക് പാണ്ഡ്യ 38 റൺസും നേടി.