ഷാപ്പില് വച്ചുണ്ടായ തർക്കം: യുവാവിനെ ഇടിവള ഉപയോഗിച്ച് ക്രൂരമായി മർദിച്ച് പരിക്കേല്പ്പിച്ച കേസില് പ്രതിയെ പോലീസ് അറസ്റ്റ് ചെയ്തു.മാന്നാർ വള്ളക്കാലി മേല്പാടം ചിറ്റാടിയില് വീട്ടില് വിമല്കുമാറാണ് (41) മാന്നാർ പോലീസിന്റെ പിടിയിലായത്. കഴിഞ്ഞ ശനിയാഴ്ച വൈകുന്നേരം ആറോടെയായിരുന്നു സംഭവം.കള്ള് ഷാപ്പില് വെച്ചുണ്ടായ വാക്ക് തർക്കത്തിനൊടുവില് പ്രതി ഇടിവള ഉപയോഗിച്ച് യുവാവിൻ്റെ മുഖത്തും മൂക്കിനും ഇടിക്കുകയായിരുന്നു. ഗുരുതരമായി പരിക്കേറ്റ യുവാവിനെ ആദ്യം പരുമലയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും പ്രാഥമിക ചികിത്സയ്ക്ക് ശേഷം വിദഗ്ധ ചികിത്സയ്ക്കായി മെഡിക്കല് കോളജിലേക്ക് മാറ്റി.