ഒരു മോട്ടിവേഷണല്‍ സ്പീക്കര്‍ പ്രഭാഷണത്തിനിടയ്ക്ക് തന്‍റെ കൈവശമുള്ള ഒരു കറന്‍സിനോട്ട് സദസ്സിനെ കാണിച്ചുകൊണ്ട് ചോദിച്ചു,”ഈ നോട്ട് വേണ്ടവര്‍ കൈപൊക്കുക.”
ഉടനെ സദസ്സിലുള്ള എല്ലാവരും തന്നെ, ഏതാണ്ട് 200 പേരും കൈ പൊക്കി.
സ്പീക്കര്‍ ആ നോട്ട് കൈ കൊണ്ട് ചുരുട്ടിക്കൂട്ടിയ ശേഷം വീണ്ടും ചോദിച്ചു,”ഇനി ഈ നോട്ട് ആര്‍ക്കുവേണം?”
വീണ്ടും എല്ലാവരും തന്നെ കൈപൊക്കി.
അതിനു ശേഷം സ്പീക്കര്‍ ആ നോട്ട് ഒരു കപ്പിലുള്ള ചെളിവെള്ളത്തില്‍ മുക്കി.
എന്നിട്ട് തന്‍റെ ചോദ്യം ആവര്‍ത്തിച്ചു.
ഇത്തവണയും എല്ലാവരും ആവശ്യക്കാരായിരുന്നു.
പ്രഭാഷകന്‍ പറഞ്ഞു,”സുഹൃത്തുക്കളേ, ഇതില്‍ നിന്നും ഒരു പാഠം നാം ഉള്‍ക്കൊള്ളണം. നോട്ടിന് എന്തു സംഭവിച്ചാലും അതിന്‍റെ വില കുറയുന്നില്ല.”
“അതുകൊണ്ടാണ് അത് നിങ്ങള്‍ സ്വീകരിക്കാന്‍ തയ്യാറായതും. ഇതുപോലെ നമ്മുടെ പലരുടെയും ജീവിതത്തില്‍ ചെളി വാരിയെറിയപ്പെടാറുണ്ട്.”
“അപ്പോള്‍ നമ്മള്‍ തെറ്റായ തീരുമാനങ്ങള്‍ എടുത്തെന്നും വരാം. നമുക്ക് സ്വയം ഒരു വിലയില്ലായ്മ തോന്നുകയും ചെയ്യും.”
“എന്നാല്‍ സത്യമതല്ല. ഓര്‍ക്കുക, നമ്മള്‍ ഏതു സാഹചര്യത്തിലായാലും നമ്മുടെ വില ഒരിക്കലും കുറയുന്നില്ല.
“നമ്മള്‍ ഓരോരുത്തരും ഓരോ തരത്തില്‍ ‘സ്പെഷ്യല്‍’ ആണ്.”
“ഈ ഒരു ചിന്ത നമ്മളെ മുന്നോട്ടു നയിച്ചാല്‍ ജീവിതത്തില്‍ വലിയ കാര്യങ്ങള്‍ ചെയ്തുതീര്‍ക്കാനും അതുവഴി വിജയം കൈവരിക്കാനും സാധിക്കും.”
അഡ്വ.ലക്ഷ്മി