മണിപ്പുരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്ക്ക് വീരമൃത്യു
മണപ്പൂരില് വീണ്ടും സംഘര്ഷം. ബിഷ്ണുപ്പുര് ജില്ലയിലെ നരന്സേന മേഖലയിലുണ്ടായ ആക്രമണത്തില് രണ്ടു സിആര്പിഎഫ് ജവാന്മാര്ക്ക് വീരമൃത്യു.
കുക്കി വിഭാഗത്തിലെ സായുധരായ ഒരു സംഘമാണ് സൈന്യത്തിനെതിരെ വെടിയുതിര്ത്തതെന്ന് പൊലീസ്. തവ്വരയിലെ സിആര്പിഎഫ് പോസ്റ്റുകള് ലക്ഷ്യമാക്കി പുലര്ച്ചെയാണ് വെടിവെപ്പ് നടത്തിയതെന്ന് ദേശീയ മാധ്യമങ്ങള് റിപ്പോര്ട്ടുചെയ്തു.
വെടിവയ്പ്പില് രണ്ടു സൈനികര്ക്ക് പരുക്കേറ്റു. സിആര്പിഎഫ് സബ് ഇന്സ്പെക്ടര് എന് സര്ക്കാര്, കോണ്സ്റ്റബിള് അരൂപ് സൈനി എന്നിവരാണ് മരിച്ചത്.
ഇന്സ്പെക്ടര് ജാദവ് ദാസ്, കോണ്സ്റ്റബിള് അഫ്താബ് ദാസ് എന്നിവര്ക്കാണ് പരുക്കേറ്റത്. തെരഞ്ഞെടുപ്പ് ഡ്യൂട്ടിക്കെത്തിയ സിആര്പിഎഫ് ജവാന്മാരാണ് ആക്രമണത്തിന് ഇരയായത്. പ്രശ്നബാധിത പ്രദേശത്താണ് ഇവരെ വിന്യസിച്ചിരുന്നത്.