ഒരു പ്രത്യേക ദിവസത്തെയോ ഓർമ്മദിവസത്തെയോ പ്രധാനപ്പെട്ട ദിവസത്തെയോ സൂചിപ്പിക്കാനാണ് Red Letter Day എന്ന ശൈലി ഉപയോഗിക്കുന്നത്. ആ ദിനം പിറന്നാൾ ദിവസമോ വാർഷികദിനമോ എന്തുമാകാം. Red Letter Day ഒരു വിശേഷപ്പെട്ട ദിവസമാണ്.
Tomorrow is her red letter day. She always celebrates it with a big party.
അർത്ഥം – നാളെ അവൾക്ക് ഒരു പ്രധാനപ്പെട്ട ദിവസമാണ്. അവൾ അത് ഒരു വലിയ പാർട്ടി നടത്തിയാണ് എപ്പോഴും ആഘോഷിക്കാറുള്ളത്.
ഈ ദിവസത്തെ സ്മരണീയ ദിവസം, ചുവന്നക്ഷരം കൊണ്ട് രേഖപ്പെടുത്തിയ ദിവസം എന്നൊക്കെ പറയാം. 1490-ൽ അച്ചടിച്ച ദ ബുക്ക് ഓഫ് എനെസോഡിലാണ് ആദ്യമായി ഈ ശൈലി ഉപയോഗിച്ചതെന്ന് കരുതുന്നു. ആ ബുക്കിൽ ഇങ്ങനെ പറയുന്നു. “ഞങ്ങൾ ഞങ്ങളുടെ കലണ്ടറിൽ പ്രാധാന്യം കൂടുതലുള്ളതിനെ ചുവന്ന അക്ഷരത്തിൽ രേഖപ്പെടുത്തുന്നു.”
പണ്ടത്തെ കലണ്ടറുകളിൽ പ്രധാന ദിവസങ്ങൾ ചുവന്ന അക്ഷരത്തിലാണ് രേഖപ്പെടുത്തിയിരുന്നത്. ശ്രദ്ധിക്കപ്പെടാനാണ് ഇങ്ങനെ ചെയ്തിരുന്നത്. റോമാക്കാരുടെ കലണ്ടറിൽ നിന്നാണ് ഈ ശൈലിയുടെ ഉത്ഭവമെന്നും കരുതുന്നു.
The day I first set foot in America was a red letter day for me.
അർത്ഥം – അമേരിക്കയിൽ ആദ്യമായി കാലെടുത്തു വെച്ച ദിവസം എനിക്ക് വളരെ പ്രധാനപ്പെട്ട ദിവസമാണ്.