ഒമ്പതു പേരടങ്ങുന്ന യക്ഷഗാനം കലാകാരന്മാർ യുഎസിലേക്ക് പരിപാടികൾ അവതരിപ്പിക്കാൻ ടൂർ പോകുന്നു. കർണാടകയിലെ മംഗളുരുവിൽ നിന്നുള്ളവരാണ് ഇവർ. ഈ മാസമാണ് ഇവർ പോകുന്നത്. യക്ഷധ്രുവ പട്ല ഫൗണ്ടേഷൻ ട്രസ്റ്റ് ആണ് യാത്ര സ്പോൺസർ ചെയ്യുന്നത്. രണ്ടു മണിക്കൂർ ദൈർഘ്യമുള്ള ഷോകളാണ് ആസൂത്രണം ചെയ്തിരിക്കുന്നത്. ഐതിഹ്യകഥകളാണ് തിരഞ്ഞെടുത്തിരിക്കുന്നത്. ലോകമൊട്ടുക്ക് യക്ഷഗാനത്തിൻ്റെ പ്രചാരം നടത്തുക എന്നതാണ് ലക്ഷ്യം.
യുഎസിലെ പ്രധാനപ്പെട്ട 20 സ്റ്റേറ്റുകളിലാണ് പരിപാടികൾ. ലൊസാഞ്ചൽസ്, ഫിനിക്സ്, സിയാറ്റിൻ, ഓസ്റ്റിൻ, ഹോസ്റ്റൺ, മേരിലാൻഡ്, അറ്റ്ലാൻ്റ, ചിക്കാഗോ, ന്യൂ ജെഴ്സി, ബോസ്റ്റൺ തുടങ്ങിയ നഗരങ്ങളിലാണ് ഷോ. ഇതുവരെ ഈ യക്ഷഗാന ടീം ലണ്ടൻ, സ്കോട്ട് ലാൻഡ്, ജർമനി, ഫ്രാൻസ്, സ്വിറ്റസർലാൻഡ്, പാരീസ് എന്നിവിടങ്ങളിലേക്ക് പോവുകയും പരിപാടികൾ അവതരിപ്പിക്കുകയും ചെയ്തിട്ടുണ്ട്. വേഷഭൂഷാദികളും നൃത്തവും സംഭാഷണവും സംഗീതവും എല്ലാം ചേർത്തതാണ് യക്ഷഗാനാവതരണം. ഭാഷ കന്നഡയിലായിരിക്കും. ഇംഗ്ലീഷിൽ വിവരണം നൽകപ്പെടും.
കര്ണ്ണാടകയുടെ പ്രസിദ്ധമായ നാടോടിനൃത്തമാണ് യക്ഷഗാനം. ഇതൊരു നൃത്തനാടകമാണ്. ഈ നര്ത്തകരുടെ വേഷവിധാനങ്ങള്ക്ക് കഥകളിയുമായി സാമ്യമുണ്ട്.