ജൂലായ് 3-നാണ് ഒരു കാർ യുഎസ് ഒക് ലഹോമ ഹൈവേ പട്രോൾ പോലീസിൻ്റെ കണ്ണിൽ പെട്ടത്. അതൊരു സാധാരണ കാറല്ലായിരുന്നു.അതിൻ്റെ ആകൃതി ഒരു പറക്കുംതളിക പോലെ ആയിരുന്നു. ന്യൂമെക്സിക്കോയിലെ UFO (Unidentified Flying Object) ഫെസ്റ്റിവലിന് പോകുന്ന രണ്ടു പേർ ആയിരുന്നു കാറിൽ. പോലീസ് പിഴയൊന്നും ഈടാക്കിയില്ല. വേണ്ട വിധത്തിൽ ശാസിക്കുകയാണു ചെയ്തത്.
എന്നാൽ ഇത് ആദ്യമായല്ല ഈ പറക്കും തളിക കാർ പോലീസിൻ്റെ ദൃഷ്ടിയിൽ പെടുന്നത്. കുറച്ചു ദിവസം മുമ്പ് മറ്റൊരു ഹൈവേ പോലീസിൻ്റെ മുമ്പിലും പറക്കുംതളിക കാർ പെട്ടെങ്കിലും അവരും ശാസിച്ച് വിടുകയാണുണ്ടായത്. ഹൈവേ പട്രോൾ പോലീസ് തന്നെയാണ് വാർത്ത ഇൻസ്റ്റഗ്രാമിൽ കൊടുത്തത്. മറ്റുള്ളവർക്കും കൂടിയുള്ള മുന്നറിയിപ്പായിട്ടാണ് പോലീസ് ഈ വിവരം ഷെയർ ചെയ്തത്.
സ്റ്റീവ് അൻഡേർസൺ ആണ് കാറുടമ. നമ്പർ പ്ലേറ്റ് ഭാഗികമായി മറയ്ക്കപ്പെട്ടിട്ടുണ്ട്.