ജീവിതത്തിൽ എന്തെങ്കിലും നേട്ടങ്ങൾ കരസ്ഥമാക്കാൻ അല്ലെങ്കിൽ ലക്ഷ്യം നേടാൻ കഠിനാധ്വാനം ചെയ്യണം എന്ന് ഓർമ്മിപ്പിക്കുന്ന ഒരു ശൈലിയാണ് no pain no gain. കഷ്ടപ്പെട്ടാലേ എന്തെങ്കിലും നേടാൻ കഴിയൂ എന്നർത്ഥം. കഷ്ടപ്പെട്ടില്ലെങ്കിൽ ഒന്നും നേടുകയുമില്ല. വെറുതെയിരുന്നാൽ ജീവിതവിജയം നേടാൻ കഴിയില്ല.
കഷ്ടപ്പാടിനെയും നേട്ടങ്ങളെയും ബന്ധപ്പെടുത്തിയുള്ള ഒരു പഴഞ്ചൊല്ല് പതിനാറാം നൂറ്റാണ്ടിൽ നിലനിന്നിരുന്നതായി ചരിത്രം പറയുന്നു. ബ്രിട്ടീഷ് കവിയായിരുന്ന റോബർട്ട് ഹെറിക് 1648-ൽ എഴുതിയ ഒരു കവിതയുടെ പേര് No paines No gaines എന്നായിരുന്നു.
ഏതൊരു ലക്ഷ്യവും കൈവരിക്കാനുള്ള പാത ദുരിതം നിറഞ്ഞതായിരിക്കും എന്നാണ് no pain no gain പറയുന്നത്. ജീവിതവിജയവും കഠിനാധ്വാനവും തമ്മിലുള്ള ബന്ധത്തെ സൂചിപ്പിക്കുന്ന ശൈലിയാണിത്.
അമേരിക്കൻ നടിയും ഫാഷൻ മോഡലുമായിരുന്ന ജെയിൻ ഫോണ്ട് 1982-ൽ ഇറക്കിയ എയ്റോബിക് വ്യായാമത്തെ കുറിച്ചുള്ള ഒരു വീഡിയോയിൽ Without Pains No Gains എന്നു പറയുന്നുണ്ട്. ബുദ്ധിമുട്ടുള്ള വ്യായാമമാണ് വീഡിയോയിൽ കാണിക്കുന്നത്.
ശാസ്ത്രജ്ഞനായിരുന്ന ബെഞ്ചമിൻ ഫ്രാങ്ക്ളിൻ ഒരിക്കൽ പറഞ്ഞു,”There are no gains without pains.”
അത് ലറ്റുകൾക്ക് കോച്ചുകൾ എപ്പോഴും നൽകാറുള്ള ഉപദേശമാണ് no pain no gain. ഇതു പറഞ്ഞ് കൂടുതൽ വ്യായാമം ചെയ്യിക്കാറുണ്ട്.
He paractised hard to win the medal as no pain no gain.
അർത്ഥം – മെഡൽ നേടാൻ അയാൾ കൂടുതൽ പ്രാക്ടീസ് ചെയ്തു. കാരണം കഷ്ടപ്പെട്ടില്ലെങ്കിൽ നേടാൻ കഴിയില്ല.
pain എന്നത് പിന്നീട് gain ആയി മാറും എന്ന സൂചന നൽകുന്ന ഇഡിയമാണ് no pain no gain.