1992 ഒക്ടോബർ 1-ന് ആരംഭിച്ച കാർട്ടൂൺ നെറ്റ്വർക്ക് എന്ന ജനപ്രിയ 24 മണിക്കൂർ ആനിമേഷൻ ചാനൽ അടച്ചു പൂട്ടുന്നതായി അഭ്യൂഹങ്ങൾ തുടങ്ങി. എക്സിൽ പോസ്റ്റു ചെയ്ത ഒരു വൈറൽ വീഡിയോയാണ് ഊഹാപോഹങ്ങൾക്ക് ആക്കം കൂട്ടിയത്. കാർട്ടൂൺ മേഖലയുടെ തകർച്ചക്ക് തുടക്കമായെന്ന തരത്തിലാണ് വീഡിയോയിൽ പറയുന്നത്.
ആനിമേഷൻ തൊഴിലാളികൾ അനുഭവിക്കുന്ന ദുരവസ്ഥയെ കുറിച്ച് വീഡിയോയിൽ ചർച്ച ചെയ്യുന്നു. അവരിൽ പലരും ഒരു വർഷത്തിലേറെയായി ജോലിയില്ലാത്തവരാണ് എന്നും പറയുന്നുണ്ട്.
ട്വിറ്ററിൽ #RIPCartoonNetwork എന്ന ഹാഷ്ടാഗ് ഉപയോഗിക്കുന്നത് കൂടിയിട്ടുണ്ട്. ആരാധകരോട് അവരുടെ പ്രിയപ്പെട്ട എപ്പിസോഡുകൾ പങ്കിടാൻ ആവശ്യപ്പെടുന്നുണ്ട്.
നെറ്റ്വർക്ക് സ്റ്റുഡിയോ അടച്ചുപൂട്ടുന്നു എന്ന വാർത്ത തെറ്റാണെന്ന് കാർട്ടൂൺ നെറ്റ്വർക്ക് സ്ഥിരീകരിച്ചു. നെറ്റ്വർക്ക് അടച്ചുപൂട്ടുന്നു എന്നത് സത്യമല്ലെന്ന് കാർട്ടൂൺ നെറ്റ്വർക്ക് പ്രസ്താവനയിൽ വ്യക്തമാക്കി. ‘ഞങ്ങളുടെ കാഴ്ചക്കാരെ രസിപ്പിക്കുന്നത് ഞങ്ങൾ തുടരു’മെന്ന് അവർ വ്യക്തമാക്കി.