ചൈനയിൽ ആളുകൾ 996 വർക്ക് ഷെഡ്യൂൾ അനുസരിച്ചാണ് ജോലി ചെയ്യുന്നത്. 996 വർക്ക് ഷെഡ്യൂളിൽ ജീവനക്കാർ ആഴ്ചയിൽ ആറ് ദിവസവും രാവിലെ 9 മുതൽ രാത്രി 9 വരെ ജോലി ചെയ്യുന്നു. ഈ തൊഴിൽ സംസ്കാരമാണ് അവിടെ കോർപ്പറേറ്റ് വ്യവസായത്തിൽ തുടർന്നു പോരുന്നത്. ഇടയ്ക്ക് ലീവ് എടുക്കുന്നതും പലപ്പോഴും അവിടെ സംശയത്തോടെയാണ് കാണുന്നത്.
പുതിയ തലമുറയിലെ നിരവധി യുവാക്കൾ ഇതിനെതിരെ ശബ്ദമുയർത്തുന്നുണ്ട്. ഇതുമായി ബന്ധപ്പെട്ട് അവിടെ ഒരു ട്രെൻഡ് തുടങ്ങിയിട്ടുണ്ട്. ഈ പ്രവണതയെ നേക്കഡ് റെസിഗ്നേഷൻ എന്നാണ് വിളിക്കുന്നത്. ഇതിൽ ഒരു ബാക്കപ്പും ഇല്ലാതെ ജോലിക്കാർ ജോലി ഉപേക്ഷിക്കുന്നു.
ഒരു ബാക്കപ്പ് പ്ലാനിനോ മറ്റൊരു ജോലിക്കോ കാത്തുനിൽക്കാതെ ജോലിയിൽ നിന്ന് രാജിവെക്കുന്നതിനെയാണ് നേക്കഡ് റെസിഗ്നേഷൻ എന്നു പറയുന്നത്. ചൈനയിലെ യുവ പ്രൊഫഷണലുകൾക്കിടയിൽ ഈ പ്രവണത ഇപ്പോൾ കൂടുതലായി കണ്ടുവരുന്നു.
ചൈനീസ് സോഷ്യൽ മീഡിയ പ്ലാറ്റ്ഫോമുകളായ വെയ്ബോ (ട്വിറ്ററിന് സമാനമായ ഒരു സോഷ്യൽ മീഡിയ പ്ലാറ്റ്ഫോം), ജിയാഹോങ്ഷു എന്നിവയിൽ ഈ പദം വ്യാപകമായി ചർച്ച ചെയ്യപ്പെടുന്നു. മേലുദ്യോഗസ്ഥന്മാരുടെ സമ്മർദ്ദങ്ങൾക്ക് വഴങ്ങാതെ മടുപ്പിക്കുന്ന ജോലിയിൽ നിന്ന് ഇടവേള എടുക്കാനായി ജോലി തന്നെ രാജി വെയ്ക്കുന്നു.
യുവ പ്രൊഫഷണനുകളെ സംബന്ധിച്ചിടത്തോളം ജോലിയുടെ ടെൻഷൻ അവസാനിക്കുന്നില്ല. ഇതിന് Liong Dian Yixian എന്നാണ് അവർ പറയുന്ന വാക്ക്. ഇവർക്ക് ഒരു തരത്തിലുള്ള മോചനവും സാധ്യമാകുന്നുമില്ല. അവർ മാനസികമായി ക്ഷീണിച്ച അവസ്ഥയിലെത്തുന്നു.
അങ്ങനെ അവർ സോഷ്യൽ മീഡിയയിൽ തങ്ങളുടെ രാജി അതായത് നേക്കഡ് റെസിഗ്നേഷൻ പരസ്യമായി പ്രഖ്യാപിക്കുന്നു. പ്രൊഫഷണലുകൾക്ക് യാത്ര ചെയ്യാനോ പുതിയ കഴിവുകൾ പഠിക്കാനോ സാധിക്കുന്നില്ല. അതുകൊണ്ട് അവർ ജോലി ഉപേക്ഷിക്കുകയാണ്. ഈ അവസ്ഥയെ കുറിച്ച് അവർ തങ്ങളുടെ സോഷ്യൽ മീഡിയയിൽ പങ്കുവെക്കുന്നുണ്ട്.
കൊവിഡ്-19 മഹാമാരിയും തുടർന്നുള്ള സാമ്പത്തിക മാന്ദ്യവും ഇതിന് ആക്കം കൂട്ടി. ചൈനയുടെ തൊഴിൽ രീതികൾ സമൂഹത്തിൽ മാനസിക പ്രശ്നങ്ങൾ സൃഷ്ടിച്ചു തുടങ്ങിയിട്ടുണ്ട്.
മക്കിൻസി ഹെൽത്ത് ഇൻസ്റ്റിറ്റ്യൂട്ട് ഇത് സംബന്ധിച്ച് ഒരു സർവേ നടത്തിയിരുന്നു. 30 രാജ്യങ്ങളിലായി 30,000-ത്തിലധികം ജീവനക്കാരെ ഇതിൽ ഉൾപ്പെടുത്തി. 75% ജീവനക്കാരെയും എന്തെങ്കിലും ഒരു പ്രശ്നം അലട്ടുന്നുണ്ടെന്ന് കണ്ടെത്തിയിരുന്നു.