മിസ്റ്റർ ബീസ്റ്റ് എന്നറിയപ്പെടുന്ന ജിമ്മി ഡൊണാൾഡ് സൺ 300 ദശലക്ഷം വരിക്കാർ എത്തുന്ന ആദ്യത്തെ യൂട്യൂബർ ആയി ചരിത്രം കുറിച്ചു. ഒരു മാസം മുമ്പ് ഏറ്റവും കൂടുതൽ സബ്സ്ക്രൈബുചെയ്ത YouTube ചാനലായി. സബ്സ്ക്രൈബേഴ്സിൻ്റെ എണ്ണത്തിൽ ഇന്ത്യൻ മ്യൂസിക് ലേബൽ ഭീമനായ ടി-സീരീസിനെ MrBeast മറികടന്നു.
“11 വർഷം മുമ്പ് എനിക്ക് വെറും 300 സബ്സ്ക്രൈബർമാർ മാത്രമുണ്ടായിരുന്നപ്പോൾ ഞാൻ ഭയന്നുവിറച്ചത് ഞാൻ ഓർക്കുന്നു,”മിസ്റ്റർ ബീസ്റ്റ് എക്സിൽ എഴുതി. ഇപ്പോഴത്തെ ഫോളോവേഴ്സിൻ്റെ സ്ക്രീൻഷോട്ട് ഷെയർ ചെയ്യുകയും ചെയ്തു. 2024 ജൂലൈ 10-നാണ് ബീസ്റ്റിൻ്റെ നേട്ടം ഔദ്യോഗികമായി പ്രഖ്യാപിച്ചത്.
2012 മുതലാണ് MrBeast തൻ്റെ YouTube ചാനൽ നടത്തുന്നത്. തുടക്കത്തിൽ MrBeast6000 എന്ന പേരിലായിരുന്നു വീഡിയോകൾ ചെയ്തത്. ഗെയിമിംഗായിരുന്നു ഉള്ളടക്കം. പ്രത്യേകിച്ച് Minecraft, Pokémon ഷോഡൗൺ എന്നിവ.
അദ്ദേഹത്തിൻ്റെ പോസ്റ്റിന് പിന്തുണയുമായി ആരാധകരും സഹ യൂട്യൂബർ സഹപ്രവർത്തകരുമായി 15.4 ദശലക്ഷത്തിലധികം പേരുണ്ട്. 300 സബ്സ്ക്രൈബേഴ്സ് ആയപ്പോൾ അതാഘോഷിച്ച തൻ്റെ പഴയ വീഡിയോയും മിസ്റ്റർ ബീസ്റ്റ് പോസ്റ്റ് ചെയ്തു.
“ലോക ജനസംഖ്യയുടെ 3.5% നിങ്ങളെ സബ്സ്ക്രൈബുചെയ്തിരിക്കുന്നു,” ഒരു ആരാധകൻ എഴുതി. ഡൊണാൾഡ്സണിൻ്റെ വരിക്കാരുടെ എണ്ണം ദിനം പ്രതി കൂടിക്കൊണ്ടിരിക്കുകയാണ്. അധികം വൈകാതെ മറ്റൊരു നാഴികക്കല്ലിൽ എത്താനും സാധ്യതയുണ്ട്.
പ്രായപരിധി കുറച്ചിരുന്നെങ്കിൽ യുഎസ് പ്രസിഡൻ്റായി മത്സരിക്കാനും ആഗ്രഹമുണ്ടെന്ന് ബീസ്റ്റ് മുമ്പ് പറഞ്ഞിരുന്നു. പ്രസിഡൻ്റായാൽ താൻ എന്തൊക്കെ ചെയ്യുമെന്നും പറഞ്ഞു. “പ്രസിഡൻ്റായാൽ പിന്നെ രാഷ്ട്രീയ പാർട്ടിയെയൊന്നും വകവെയ്ക്കാതെ യുഎസ് ജനങ്ങൾക്കു വേണ്ടി പ്രവർത്തിക്കും. എനിക്കറിയാത്തവ പറഞ്ഞു തരാൻ എനിക്ക് അറിവുള്ള ഉപദേഷ്ടാക്കളുണ്ടാകും. യുഎസിനെ ഒന്നിപ്പിക്കാൻ ഞാൻ ജോലി ചെയ്യും. 15 വർഷം കഴിഞ്ഞ് ചിലപ്പോൾ എനിക്ക് മത്സരിക്കാൻ അവസരമുണ്ടായാലോ.”