ബിസ്മി ഗ്രൂപ്പിന്റെ സ്ഥാപകനും, ചെയർമാനുമായ കൊച്ചി കലൂർ വലിയവീട്ടിൽ വി.എ. യൂസഫ് അന്തരിച്ചു.74 വയസായിരുന്നു.
മെക്കാനിക്കൽ എൻജിനീയറായിരുന്ന അദ്ദേഹം 1984 ലാണ് ബിസ്മി എന്ന പേരിൽ ഗ്യാസ് ഏജൻസി ആരംഭിച്ചുകൊണ്ട് സംരംഭക രംഗത്തേക്ക് കടക്കുന്നത്.
പിന്നീട് ബിസ്മി അപ്ലൈൻസസ് എന്ന പേരിൽ ഇലക്ട്രോണിക്ക് ഗൃഹോപകരണ മേഖലയിലേക്ക് ചുവട് ഉറപ്പിച്ചു.
40 വർഷം പിന്നിടുമ്പോൾ ഇന്ന് അതിവിപുലമായ വ്യാപാര ശൃംഖല ഇദ്ദേഹത്തിന്റെ മേൽനോട്ടത്തിൽ ക്രമേണ വളർച്ച പ്രാപിക്കുകയായിരുന്നു.
ഖബറടക്കം ഇന്ന് വൈകുന്നേരം 4 മണിക്ക് കലൂർ ജുമാമസ്ജിദ് ഖബർസ്ഥാനിൽ നടക്കും.
ഭാര്യ: പി.എം. നഫീസ.
മക്കൾ: വി.വൈ. സഫീന, വി.വൈ. ഷബാനി.
മരുമക്കൾ: ഡോ. വി.എ. അഫ്സൽ, വി.എ. അജ്മൽ.