ബെംഗളൂരുവിലെ ഒരു ടെക്കി 1.5 കോടി രൂപയുടെ അപ്പാർട്ട്മെൻ്റിൽ തൻ്റെ മുറിയിലേക്ക് വെള്ളം ചോരുന്നതിൻ്റെ ചിത്രം പങ്കിട്ടു. ഇത് നഗരത്തിൻ്റെ റിയൽ എസ്റ്റേറ്റിനെയും നിർമ്മാണ നിലവാരത്തെയും കുറിച്ചുള്ള ചർച്ചക്ക് കാരണമായി. നഗരത്തിലെ കുതിച്ചുയരുന്ന റിയൽ എസ്റ്റേറ്റ് വിലയുടെ കാര്യം സൂചിപ്പിച്ചു കൊണ്ടാണ് 22 കാരനായ എഞ്ചിനീയറായ റിപുദാമൻ തൻ്റെ മുറിയുടെ സീലിംഗിൽ നിന്ന് വെള്ളം ഒഴുകുന്നതിൻ്റെ ചിത്രം X-ൽ പങ്കുവെച്ചത്.
”1.5CR അപ്പാർട്ട്‌മെൻ്റിലെ 5/16 നിലയിലെ എൻ്റെ മുറിയിൽ വെള്ളം ചോരുന്നു. ഈ വിലകൂടിയ കെട്ടിടങ്ങൾ ഒരു തട്ടിപ്പാണ് ബ്രോ! എൻ്റെ ഉള്ളിലെ സിവിൽ എഞ്ചിനീയർക്ക് ഇത് മനസിലാക്കാൻ കഴിയുന്നില്ല,” സീലിംഗിൽ നനവ് കാണിക്കുന്ന ഒരു ചിത്രം പങ്കുവെക്കുമ്പോൾ അദ്ദേഹം എക്‌സിൽ എഴുതി. ബംഗളൂരുവിലെ ഉയർന്ന ജീവിതച്ചെലവും ചില പ്രീമിയം കെട്ടിടങ്ങളിലെ നിർമ്മാണ നിലവാരവും തമ്മിലുള്ള തീവ്രമായ വ്യത്യാസം അദ്ദേഹത്തിൻ്റെ ഫോട്ടോ എടുത്തുകാണിക്കുന്നു.
നൂറുകണക്കിന് ഉപയോക്താക്കൾ ബെംഗളൂരുവിൻ്റെ റിയൽ എസ്റ്റേറ്റ് മേഖലയെക്കുറിച്ചുള്ള സ്വന്തം അനുഭവങ്ങളും ആശങ്കകളും പങ്കുവെച്ചുകൊണ്ട് പോസ്റ്റ് എക്‌സിൽ ചൂടേറിയ ചർച്ചയ്ക്ക് തുടക്കമിട്ടു. പലരും റിപുദാമൻ്റെ നിരാശയെ ഏറ്റുപറഞ്ഞു. നഗരത്തിൻ്റെ ഡെവലപ്പർമാർ ഗുണനിലവാരമുള്ള നിർമ്മാണത്തേക്കാൾ ലാഭത്തിന് മുൻഗണന നൽകുന്നുവെന്ന് വിമർശിച്ചു. ചോർച്ചയുടെ കാരണം അന്വേഷിക്കാനും ആവശ്യമെങ്കിൽ നിയമനടപടി സ്വീകരിക്കാനും ചിലർ ഉപദേശിച്ചു.