മണർകാട് കത്തീഡ്രലിൽ വിശ്വാസ പ്രഖ്യാപന സമ്മേളനവും മലങ്കര മെത്രാപ്പോലീത്തയ്ക്ക് സ്വീകരണവും

ആ​ഗോള മരിയൻ തീർഥാടന കേന്ദ്രമായ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിൽ വിശ്വാസപ്രഖ്യാപന സമ്മേളനവും മലങ്കര മെത്രാപ്പോലീത്തയ്ക്ക് സ്വീകരണവും ഞായറാഴ്ച നടക്കും.പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ മലങ്കര മെത്രാപ്പോലീത്തയായി പ്രഖ്യാപിച്ച ജോസഫ് മോർ ഗ്രീഗോറിയോസ് മെത്രാപ്പോലീത്തയ്ക്ക് നാളെ വൈകുന്നേരം നാലിന് കത്തീഡ്രലിൽ സ്വീകരണം നൽകും.

പള്ളിയുടെ കിഴക്ക് വശത്തെ ആർച്ചിന് സമീപം എത്തിച്ചേരുന്ന മലങ്കര മെത്രാപ്പോലീത്തയെ ഇടവക വികാരിയും സഹവികാരിമാരും ഭരണസമിതി അം​ഗങ്ങളും ആത്മീയ സംഘടനകളുടെ പ്രവർത്തകരും ഇടവക ജനങ്ങളും കോട്ടയം ഭദ്രാസനത്തിലെ മറ്റ് ഇടവകകളിൽനിന്നുള്ള വിശ്വാസികളും ചേർന്നു സ്വീകരിച്ച് ആനയിക്കും.

തുടർന്ന് കത്തീഡ്രൽ അങ്കണത്തിൽ വിശ്വാസ പ്രഖ്യാപന സമ്മേളനവും നടക്കുമെന്ന് വികാരി ഇ.ടി. കുര്യാക്കോസ് കോർഎപ്പിസ്കോപ്പ ഇട്ട്യാടത്ത് അറിയിച്ചു.

കോട്ടയം ഭദ്രാസനാധിപനും സുന്നഹദോസ് സെക്രട്ടറിയുമായ തോമസ് മോർ തിമോത്തിയോസ് ഉദ്ഘാടനം ചെയ്യുന്ന സമ്മേളനത്തിൽ പ്രോഗ്രാം കോ-ഓർഡിനേറ്റർ കെ. കുറിയാക്കോസ് കോർഎപ്പിസ്കോപ്പാ കിഴക്കേടത്ത് അധ്യക്ഷ പ്രസംഗവും വിശ്വാസപ്രഖ്യാപനവും നിർവഹിക്കും.

കത്തീഡ്രൽ ഭാരവാഹികൾ മലങ്കര മെത്രാപ്പോലീത്തയ്ക്ക് ഉപഹാരം സമർപ്പിക്കും. റിട്ട. ചീഫ് സെക്രട്ടറി റ്റോം ജോസ്, ക്നാനായ അതിഭദ്രാസനത്തിൻ്റെ റാന്നി മേഖലാധിപൻ കുര്യാക്കോസ് മോർ ഈവാനിയോസ്, ബെന്നി ബെഹനാൻ എംപി, ആൻ്റണി ജോൺ എംഎൽഎ, യാക്കോബായ സഭാ അൽമായ ട്രസ്റ്റി തമ്പു ജോർജ് തുകലൻ എന്നിവർ പ്രസം​ഗിക്കും.

മലങ്കര മെത്രാപ്പോലീത്താ ജോസഫ് മോർ ഗ്രീഗോറിയോസ് മറുപടി പ്രസംഗം നടത്തും. ഫാ. എം.ഐ. തോമസ് മറ്റത്തിൽ സ്വാ​ഗതവും, കത്തീഡ്രൽ ട്രസ്റ്റി പി.എ. ഏബ്രഹാം പഴയിടത്തുവയലിൽ കൃതജ്ഞതയും പറയും.

Leave a Reply

spot_img

Related articles

6 വയസ്സ് കാരി കുഴഞ്ഞുവീണ് മരിച്ചു

പാലായ്ക്ക് സമീപം ഇടപ്പാടിയിൽ 6 വയസുകാരി കുഴഞ്ഞുവീണ് മരിച്ചു.ഇടപ്പാടി അഞ്ചാനിക്കൽ സോണി ജോസഫിന്റെയും മഞ്ചു സോണിയുടെയും ഏകമകൾ ജുവാന സോണിയാണ് മരിച്ചത്. യുകെജി വിദ്യാർത്ഥിനിയായിരുന്നു....

കോട്ടയം ജില്ലയിൽ സ്ഥിര താമസം ആരംഭിച്ചു റേഷൻ വാങ്ങുന്നത് 63 അതിഥിത്തൊഴിലാളികൾ

കോട്ടയം ജില്ലയിൽ സ്ഥിര താമസം ആരംഭിച്ചു റേഷൻ വാങ്ങുന്നത് 63 അതിഥിത്തൊഴിലാളികൾ. സിവിൽ സപ്ലൈസ് പുറത്തുവിട്ട കണക്കാണിത്.ജാർഖണ്ഡ്, ബിഹാർ, ബംഗാൾ, അസം, തമിഴ്നാട് സംസ്ഥാനങ്ങളിൽ...

വൈക്കം ക്ഷേത്രത്തിൽ വടക്കുപുറത്തു പാട്ട് നാളെ മുതൽ

വൈക്കം മഹാദേവ ക്ഷേത്രത്തിൽ 12 വർഷത്തിലൊരിക്കൽ നടക്കുന്ന വടക്കുപുറത്തുപാട്ട് നാളെ ആരംഭിക്കും.ക്ഷേത്രത്തിന്റെ വടക്കേ മുറ്റത്ത് 1400 ചതുരശ്രയടി വലുപ്പത്തിൽ കെട്ടിയ നെടുംപുരയിൽ 12 ദിവസം...

റൺഫോർ ഓട്ടിസം, വാക്കത്തോൺ ഫ്ലാഗ് ഓഫ് ചെയ്തു

ലോക ഓട്ടിസം ബോധവത്കരണ ദിനാചരണത്തിന്റെ സംസ്ഥാനതല ഉദ്ഘാടനം റൺ ഫോർ ഓട്ടിസം വാക്കത്തോൺ ഫ്ലാഗ് ഓഫ് ചെയ്തു കൊണ്ട് ഉന്നത വിദ്യാഭ്യാസ, സാമൂഹിക നീതി...