സംസ്ഥാനത്ത് മഴ ശക്തമാകാൻ സാധ്യതയുള്ളതിനാല് ഇന്ന് മൂന്ന് ജില്ലകളില് യെല്ലോ അലേർട്ട് പ്രഖ്യാപിച്ചു.മധ്യപ്രദേശിനും രാജസ്ഥാനും മുകളിലെ ന്യൂനമർദ്ദം തീവ്ര ന്യൂനമർദ്ദമായി ശക്തിപ്രാപിച്ചു.നാളെയോടെ തെക്കൻ രാജസ്ഥാനും ഗുജറാത്തിനും മുകളില് വീണ്ടും അതിതീവ്ര ന്യുനമർദ്ദമായി ശക്തി പ്രാപിച്ചു സൗരാഷ്ട്ര കച്ച് തീരത്തിനു സമീപം അറബിക്കടലില് എത്തിച്ചേരാൻ സാധ്യതയുണ്ട്.
ബംഗ്ലാദേശിന് മുകളിലെ ചക്രവാതച്ചുഴി ന്യൂനമർദ്ദമായി ശക്തിപ്രാപിച്ചു. തെക്കൻ ഗുജറാത്ത് മുതല് വടക്കൻ കേരള തീരം വരെ തീരദേശ ന്യൂനമർദ്ദ പാത്തി നിലനില്ക്കുന്നുണ്ട്. ഇതിന്റെ സ്വാധീനത്തില് ഗുജറാത്ത് മുതല് കേരള തീരം വരെ കാലവർഷക്കാറ്റ് സജീവമാകാൻ സാധ്യതയുണ്ട്. കേരളത്തില് ഇനിയുള്ള ദിവസങ്ങളില് പൊതുവെ സാധാരണ മഴ ലഭിക്കാനാണ് സാധ്യത. മധ്യ വടക്കൻ കേരളത്തില്. പ്രത്യേകിച്ച് കാസർകോട് കണ്ണൂർ ജില്ലകളില് കൂടുതല് മഴ സാധ്യതയുണ്ട്.