കോട്ടയം: പട്ടികജാതിയിൽനിന്നു ക്രിസ്തുമതത്തിലേയ്ക്ക് പരിവർത്തനം ചെയ്തിട്ടുള്ളവർ, പട്ടികജാതിയിലേയ്ക്ക് ശുപാർശ ചെയ്തിട്ടുള്ളവർ (ഒ.ഇ.സി മാത്രം-മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാർ അർഹരല്ല) എന്നീ വിഭാഗത്തിൽപെട്ടവരിൽ 2023-24 വർഷത്തെ എസ്.എസ്.എൽ.സി / പ്ലസ്സ് ടു/ഡിഗ്രി/പി.ജി./ പ്രൊഫഷണൽ കോഴ്സുകളിൽ 60 ശതമാനത്തിൽ കൂടുതൽ മാർക്ക് വാങ്ങി പാസായവർക്ക് നൽകുന്ന വിദ്യാഭ്യാസ പ്രോത്സാഹന സമ്മാനം, 2024-25 വർഷത്തെ മെഡിക്കൽ/എൻജിനീയറിംഗ് പ്രവേശനപരീക്ഷാ പരിശീലനത്തിനുള്ള ധനസഹായം എന്നിവയ്ക്കായി സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപറേഷൻ അപേക്ഷ ക്ഷണിച്ചു.
പൂരിപ്പിച്ച അപേക്ഷകൾ ജാതി സർട്ടിഫിക്കറ്റിന്റെ പകർപ്പ്, മാർക്ക് ലിസ്റ്റിന്റെ ഗസറ്റഡ്
ഓഫീസർ സാക്ഷ്യപ്പെടുത്തിയ പകർപ്പ് എന്നിവ സഹിതം കോർപറേഷന്റെ ബന്ധപ്പെട്ട റീജണൽ /സബ് ഓഫീസുകളിൽ നൽകാം. പത്തനംതിട്ട, ആലപ്പുഴ, കോട്ടയം, ഇടുക്കി , എറണാകുളം ജില്ലകളിലുള്ളവർക്ക് റീജണൽ മാനേജർ, കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷൻ, നാഗമ്പടം, കോട്ടയം. (ഫോൺ നം. 0481 – 2564304,9400309740) 2)റീജിയണൽ മാനേജർ,കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷൻ, ഒന്നാം നില,മിനി സിവിൽ സ്റ്റേഷൻ, മാവേലിക്കര (ഫോൺ നം. 0479 – 2340300) എന്നീ വിലാസങ്ങളിൽ സെപ്റ്റംബർ അഞ്ചുമുതൽ ഒക്ടോബർ നാലുവരെ അപേക്ഷിക്കാം. ഇ-മെയിൽ മുഖേനയുള്ള അപേക്ഷ സ്വീകരിക്കില്ല. അപേക്ഷാഫോമിനും വിശദവിവരങ്ങൾക്കും വെബ്സൈറ്റ് www.ksdc.kerala.gov.in