Break the ice എന്ന ശൈലിയുടെ അർത്ഥം ആദ്യമായി കണ്ടുമുട്ടുന്നവർ തമ്മിൽ അനുഭവപ്പെടുന്ന ഒരു അപരിചിതത്വത്തെ മറികടന്ന് ആ ടെൻഷൻ ഇല്ലാതാക്കി മുന്നോട്ടു പോവുക എന്നാണ്. അപരിചിതമായ പുതിയ സാഹചര്യത്തെ സൌഹൃദപരമാക്കുക എന്നും പറയാം.
കുറേ പേർ ഒന്നിച്ചു കൂടുമ്പോഴൊക്കെയുള്ള ഒരു പരിചയക്കുറവിനെ ഇല്ലാതാക്കുക എന്നും പറയാം.
The talks were supposed to break the ice in their relations.
അർത്ഥം – അവർ തമ്മിലുള്ള ബന്ധത്തിലെ തടസ്സങ്ങൾ ഇല്ലാതാക്കാനാണ് ചർച്ചകൾ നടത്തിയത്.
The handshake is a universal sign of greeting, used to break the ice with strangers.
അർത്ഥം – പരസ്പരം പരിചയപ്പെടാനുള്ള ലോകത്തിലെ ഒരു രീതിയാണ് ഹസ്തദാനം. അതായത് അപരിചിതർ തമ്മിലുള്ള വിടവിനെ ഇല്ലാതാക്കി പരിചയം വളർത്താനുള്ള ഒരു സംഗതിയാണ്.
അപരിചിതർ തമ്മിലുള്ള വിടവ് അഥവാ തടസ്സം ഇല്ലാതാക്കാൻ ഉപയോഗിക്കുന്ന മാർഗ്ഗങ്ങൾ കളികളിലേർപ്പെടുക, വ്യായാമം ചെയ്യുക, ഹസ്തദാനം, തമാശ പറയൽ അല്ലെങ്കിൽ സംഭാഷണം നടത്തുക തുടങ്ങി എന്തു വേണമെങ്കിലും ആകാം.
പണ്ടുകാലത്ത് break the ice എന്ന പ്രയോഗം യാത്രയിലെ തടസ്സങ്ങൾ നീക്കാനായിരുന്നു ഉപയോഗിച്ചിരുന്നത്. ബോട്ടിലോ കപ്പലിലോ പോകുമ്പോൾ മഞ്ഞുകട്ട തടസ്സമായി നിൽക്കുകയാണെങ്കിൽ അത് പൊട്ടിച്ച് മാർഗ്ഗം ശരിയാക്കുക.
1663-ൽ സാമുവൽ ബട് ലറുടെ Hudibras എന്ന കവിതയിൽ The Oratour – At last broke silence, and the Ice എന്നും 1590-ൽ ഷേക്സ് പിയറിൻ്റെ The Taming of the Shrew Source ൽ Tranio: “and if you break the ice and do this feat, achieve the elder, set the younger free for our access.” എന്നുമാണ് ഇത് ആദ്യമായി പ്രയോഗിച്ചത്.