പൂക്കോട് വെറ്ററിനറി സർവ്വകലാശാലയിലെ വിദ്യാര്ത്ഥി ജെ എസ് സിദ്ധാര്ത്ഥന്റെ ആത്മഹത്യയിൽ പ്രതികളായ വിദ്യാർത്ഥികളെ ഡീബാര് ചെയ്ത സര്വ്വകലാശാല നടപടി ഹൈക്കോടതി റദ്ദാക്കി. വിദ്യാര്ത്ഥികളുടെ മൂന്ന് വര്ഷത്തെ അഡ്മിഷന് വിലക്കും സിംഗിള് ബെഞ്ച് റദ്ദാക്കിയിട്ടുണ്ട്.പുതിയ അന്വേഷണം നടത്താൻ സർവ്വകലാശാല ആന്റി റാഗിംഗ് സ്ക്വാഡിന് ഹൈക്കോടതി നിര്ദ്ദേശം നൽകി. നാല് മാസത്തിനകം അന്വേഷണം പൂർത്തിയാക്കണമെന്നും അന്വേഷണം പൂര്ത്തിയാകുന്നതുവരെ പഠനം തുടരാന് വിദ്യാർത്ഥികൾക്ക് അവസരം നല്കണമെന്നും കോടതി നിർദ്ദേശം നൽകിയിട്ടുണ്ട്. നടപടിക്രമങ്ങള് പാലിക്കാതെയുള്ള നടപടി റദ്ദാക്കണമെന്നാവശ്യപ്പെട്ട് കേസിലെ പ്രതികളായ വിദ്യാര്ത്ഥികളാണ് ഹൈക്കോടതിയെ സമീപിച്ചത്