ഉത്സവസ്ഥലത്ത് മാരകായുധങ്ങളുമായി പോലീസ് ഉദ്യോഗസ്ഥരെ സംഘം ചേർന്ന് ആക്രമിച്ച് ഗുരുതരമായി പരിക്കേൽപ്പിച്ച കേസിലെ 18 പ്രതികളെ ആലപ്പുഴ അഡീഷനൽ ഡിസ്ട്രിക്ട് ആൻ്റ് സെഷൻസ് കോടതി വെറുതെവിട്ടു.
ആലപ്പുഴ കൊറ്റംകുളങ്ങര ക്ഷേത്ര ഉത്സവവുമായി ബന്ധപ്പെട്ട് ഇരുവിഭാഗങ്ങൾ തമ്മിലുള്ള സംഘർഷം നിയന്ത്രിക്കാനെത്തിയ പോലീസ് സംഘത്തെ മാരയാധുങ്ങൾ കാട്ടി തടഞ്ഞുനിർത്തി ആക്രമിച്ചെന്ന കേസിലാണ് പ്രതികളെ വെറുതെവിട്ടത്.
2008ലാണ് കേസിനാസ്പദമായ സംഭവം.
മൂന്ന് പോലീസുകാർക്കാണ് പരിക്കേറ്റത്.
ഗുരുതര പരിക്കേറ്റ പോലീസുകാരൻ മൂന്നാഴ്ച എറണാകുളത്തെ സ്വകാര്യആശുപത്രിയിൽ ചികിത്സയിലായിരുന്നുവെന്നാണ് പ്രോസിക്യൂഷൻ കേസ്.
പ്രതികൾക്കെതിരെയുള്ള കുറ്റാരോപണം തെളിയിക്കുന്നതിൽ പ്രോസിക്യൂഷൻ പരാജയപെട്ടുവെന്ന് കണ്ടെത്തിയാണ് കുറ്റാരോപിതരെ വെറുതെവിട്ടത്.
പ്രതികൾക്കുവേണ്ടി അഭിഭാഷകരായ പി.റോയ്, ബി.ശിവദാസ്, ജി. പ്രിയദർശൻ തമ്പി, പി.പി. ബൈജു, വി. ദീപക് എന്നിവർ ഹാജരായി.