ലോകത്തിലെ ഏറ്റവും ഉയരം കൂടിയ നായ കെവിൻ

ഗിന്നസ് വേൾഡ് റെക്കോർഡ്സിലെ ഏറ്റവും ഉയരം കൂടിയ നായയായി ഗ്രേറ്റ് ഡേൻ ഇനത്തിൽ പെട്ട കെവിൻ എന്ന നായ.

കെവിൻ്റെ പ്രായം മൂന്ന് വയസ്സ്.

2014-ൽ അഞ്ചാം വയസ്സിൽ മരിച്ച മറ്റൊരു ഗ്രേറ്റ് ഡെയ്ൻ നായയായ സ്യൂസിൻ്റെ പേരിലായിരുന്നു ഇതിനു മുമ്പുള്ള ഗിന്നസ് റെക്കോർഡ്. സ്യൂസിൻ്റെ ഉയരം 3 അടി 8 ഇഞ്ച് (1.118 മീറ്റർ) ആയിരുന്നു.

കെവിൻ്റെ പൊക്കം ഏകദേശം മൂന്നടി രണ്ടിഞ്ച് ആണ്. സ്യൂസിനേക്കാളും പൊക്കം കുറവാണ് കെവിന്. പിൻകാലിൽ ഇരുന്നാൽ കെവിന് ഏഴടി ഉയരമുണ്ട്.

കെവിൻ താമസിക്കുന്നത് യുഎസിലെ ലോവയിലുള്ള വെസ്റ്റ് ഡെസ് മോയിൻസ് എന്ന സ്ഥലത്താണ്.

അമേരിക്കൻ ആക്ടർ ആയ മക്കോളേ കൽക്കിൻ അഭിനയിച്ച 1990- കളിലെ ബോക്സ് ഓഫീസ് ഹിറ്റായിരുന്നു ഹോം എലോൺ (Home Alone). ഈ ചിത്രത്തിലെ അദ്ദേഹത്തിൻ്റെ കഥാപാത്രത്തിൻ്റെ പേരായിരുന്നു കെവിൻ മക്കാലിസ്റ്റർ. ഈ പേരാണ് നായക്ക് ഇട്ടിരിക്കുന്നത്.

കെവിൻ്റെ വീട്ടിൽ അവനെ കൂടാതെ മറ്റ് മൂന്ന് നായ്ക്കളും നാല് പൂച്ചകളും ഉണ്ട്.

നല്ലവണ്ണം ആഹാരം കഴിക്കുമെങ്കിലും ശരീരവടിവ് കെവിൻ കാത്തുസൂക്ഷിക്കുന്നുണ്ട്.

അവനെ കാണുന്നവർ അവൻ്റെ പൊക്കം കണ്ട് ഇവൻ കുതിരയാണോ എന്നു പോലും ചോദിക്കാറുണ്ടത്രേ.

കെവിൻ മറ്റു നായകളോടും പൂച്ചകളോട് വളരെ സ്നേഹത്തോടെയാണ് ഇടപെടുന്നത് എന്ന് ഉടമസ്ഥനായ ട്രേസി വോൾഫെ പറഞ്ഞു.

ഗ്രേറ്റ് ഡെയ്ൻ ഇനത്തിൽ പെട്ട നായകൾ സൗഹാർദ്ദപരമായതും സൗമ്യതയും വാത്സല്യവും ഉള്ള സ്വഭാവത്തിനും വിശ്വസ്തതയ്ക്കും പേരുകേട്ടവരാണ്. അവ മികച്ച കുടുംബ കൂട്ടാളികളാണ്. ഇവ കുടുംബാംഗങ്ങളുമായി ശക്തമായ ബന്ധം സ്ഥാപിക്കുന്നു. കരുത്തുറ്റ പേശീബലവും മെലിഞ്ഞ നല്ല ആനുപാതികമായ ശരീരവുമുള്ള ഗ്രേറ്റ് ഡെയ്‌നുകൾക്ക് കമാൻഡിംഗ് സാന്നിധ്യവുമുണ്ട്.