കനത്ത മഴ പെയ്തു തകർക്കുകയാണ് കേരളം മുഴുവൻ. ഈ മഴയിൽ പല സ്ഥലങ്ങളും വെള്ളത്തിൽ മുങ്ങി. ഒട്ടനവധി നാശനഷ്ടങ്ങളാണ് ഇപ്പോഴും റിപ്പോർട്ട് ചെയ്തു കൊണ്ടിരിക്കുന്നത്.
ഈ സാഹചര്യത്തിൽ, കാലവർഷം മൂന്ന് ദിവസത്തിനുള്ളിൽ എത്തുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
അടുത്ത ആറ് ദിവസം സംസ്ഥാനത്ത് മഴ തുടരാനാണ് സാധ്യതയെന്നും കാലാവസ്ഥാ നിരീക്ഷണ കേന്ദ്രം വിലയിരുത്തുന്നു.
തെക്കൻ തമിഴ്നാടിന് മുകളിലായി രൂപപ്പെട്ട ചക്രവത്ത ചുഴിയുടെ സ്വാധീന ഫലമായി അടുത്ത 6 ദിവസം സംസ്ഥാനത്ത് മഴ തുടരാനാണ് സാധ്യത.
സംസ്ഥാനത്ത് ഇന്ന് തീവ്ര മഴയ്ക്കുള്ള സാധ്യത ഉണ്ടെന്നു കാലാവസ്ഥ വകുപ്പു മുന്നറിയിപ്പ് നൽകി.
സംസ്ഥാനത്ത് ഇന്നും പലയിടങ്ങളിലും മഴ മുന്നറിയിപ്പ് നിലനിൽക്കുന്നുണ്ട്. ഈ സാഹചര്യത്തിൽ അതീവ ജാഗ്രത വേണം.