ചൂടിനെ മറികടക്കുന്നതിനായി ആക്ടീവയിൽ ഷവർ ഘടിപ്പിച്ച് ജോധ്പൂർ സ്വദേശിയായ യുവാവ്.
രാജ്യത്തുടനീളമുള്ള തീവ്രമായ ഉഷ്ണ തരംഗങ്ങൾക്കിടയിൽ ജോധ്പൂരിലെ ഒരു യുവാവ് ചൂടിനെ പ്രതിരോധിക്കാനാണ് ഈ സൂത്രം പ്രയോഗിച്ചത്.
സോഷ്യൽ മീഡിയയിൽ വീഡിയോ വൈറലാണ്. ചൂട് തണുപ്പിക്കാൻ ഇദ്ദേഹം കണ്ടെത്തിയ മാർഗ്ഗമാണ് – തൻ്റെ ഹോണ്ട ആക്ടിവ സ്കൂട്ടറിൽ ഒരു താൽക്കാലിക ഷവർ ഘടിപ്പിക്കുക എന്നത്!
ഇൻസ്റ്റാഗ്രാമിൽ അപ്‌ലോഡ് ചെയ്‌ത വീഡിയോ 24 ദശലക്ഷത്തിലധികം വ്യൂസും 1 ദശലക്ഷം ഷെയറുകളും ഏകദേശം 1 ദശലക്ഷം ലൈക്കുകളും നേടി. 20 ലിറ്റർ വാട്ടർ കണ്ടെയ്നറിൽ ആണ് ഘടിപ്പിച്ചിരിക്കുന്നത്.
നഗരത്തിലെ തിരക്കേറിയ തെരുവുകളിലൂടെ അയാൾ സഞ്ചരിക്കുമ്പോൾ പൊള്ളുന്ന ചൂടിൽ നിന്ന് ആശ്വാസം നൽകുന്ന വെള്ളം തുടർച്ചയായി അയാളുടെ തലയിലേക്ക് വീഴുന്നു. നഗരം മുഴുവൻ സഞ്ചരിക്കുമ്പോൾ വഴിയാത്രക്കാരും മറ്റ് വാഹനയാത്രക്കാരും ആകാംക്ഷയോടെയും വിനോദത്തോടെയും വീക്ഷിക്കുന്നു.
താൽക്കാലിക ഷവർ താൽക്കാലിക ആശ്വാസം നൽകുമെങ്കിലും ഇത് ഒരു പ്രായോഗിക പരിഹാരമല്ല എന്നത് ശ്രദ്ധിക്കേണ്ടതാണ്. ഇദ്ദേഹം ഹെൽമെറ്റ് ധരിച്ചിട്ടില്ല എന്നതും എടുത്തു പറയണം. ഇത് അപകടസാധ്യതയുള്ളതും മോട്ടോർ വെഹിക്കിൾ ആക്ട് 1998 പ്രകാരം ശിക്ഷാർഹമായ കുറ്റവുമാണ്.
നേരിട്ട് സൂര്യപ്രകാശം ഏൽക്കാതിരിക്കാൻ വസ്ത്രം കൊണ്ട് ശരീരം മറയ്ക്കുന്നത് ചൂടിനെ ചെറുക്കുന്നതിനുള്ള കൂടുതൽ ഫലപ്രദമായ മാർഗമാണ്. കൂടാതെ, ഹീറ്റ് സ്‌ട്രോക്ക് പോലുള്ള ആരോഗ്യപ്രശ്‌നങ്ങൾ തടയാൻ കൊടും ചൂടുള്ള സമയങ്ങളിൽ യാത്ര ഒഴിവാക്കുന്നതാണ് നല്ലത്.