കേരളം നടക്കുന്നു പരിപാടിയുടെ ഭാഗമായി പത്തനംതിട്ട ജില്ലയില് ജനുവരി 22 ന് രാവിലെ ഒമ്പതിന് നടത്തം സംഘടിപ്പിക്കും. കളക്ട്രേറ്റില് നിന്നു ജില്ലാ സ്റ്റേഡിയം വരെയാണ് നടത്തം. തിരുവല്ല മാര്ത്തോമ കോളേജ് ഗ്രൗണ്ടില് നിന്ന് വൈകിട്ട് 3.30നും നടത്തം സംഘടിപ്പിക്കും. ഇന്റര് നാഷണല് സ്പോര്ട്സ് സമ്മിറ്റിന്റെ ഭാഗമായാണ് പരിപാടി നടക്കുന്നത്. ജനപ്രതിനിധികള്, ഉദ്യോഗസ്ഥര്, കായിക താരങ്ങള്, പൊതുജനങ്ങള്, എസ് പി സി, കോളേജ് വിദ്യാര്ത്ഥികള്, ജില്ലാ സ്പോര്ട്സ് കൗണ്സിന് ഭാരവാഹികള്, കായിക അസോസിയേഷന്, ഒളിമ്പിക് അസോസിയേഷന് ഭാരവാഹികള് തുടങ്ങിയവര് പങ്കെടുക്കും. ജനുവരി 23 മുതല് 26 വരെ തിരുവനന്തപുരം ഗ്രീന് ഫീല്ഡ് സ്റ്റേഡിയത്തില് പ്രഥമ അന്താരാഷ്ട്ര സ്പോര്ട്സ് സമ്മിറ്റ് നടക്കുന്നത്.
പരിപാടിയുടെ നടത്തിപ്പുമായി ബന്ധപ്പെട്ട് യോഗം കളക്ട്രേറ്റ് കോണ്ഫറന്സ് ഹാളില് ജില്ലാ കളക്ടര് എ ഷിബുവിന്റെ അധ്യക്ഷതയില് ചേര്ന്നു. ജില്ലാ സ്പോര്ട്സ് കൗണ്സില് പ്രസിഡന്റ് കെ അനില് കുമാര്, ജില്ലാതല ഉദ്യോഗസ്ഥര്, കായിക അസോസിയേഷന് ഭാരവാഹികള് തുടങ്ങിയവര് പങ്കെടുത്തു.