സംസ്ഥാനവ്യവസായ വാണിജ്യവകുപ്പ് സംഘടിപ്പിക്കുന്ന മെഷിനറി എക്സ്പോ 2024 ന്റെ ആറാം പതിപ്പ് എറണാകുളം ജില്ലയിലെ കിന്‍ഫ്ര ഇന്റര്‍നാഷണല്‍ എക്സിബിഷന്‍ കം കണ്‍വെന്‍ഷന്‍ സെന്ററില്‍ വച്ച് ഫെബ്രുവരി 10,11,12,13 തീയതികളില്‍ നടക്കും.
അത്യാധുനിക സാങ്കേതിക വിദ്യകളിലൂടെ സൂക്ഷമ, ചെറുകിട, ഇടത്തരം സംരംഭങ്ങളെ പ്രോല്‍സാഹിപ്പിക്കുകയാണ് എക്സ്പോയുടെ ലക്ഷ്യം.
മെഷീന്‍ ടൂളുകളിലെ ഏറ്റവും പുതിയ ട്രെന്‍ഡുകള്‍ ഹൈലൈറ്റ് ചെയ്യുന്ന എക്‌സ്‌പോയില്‍ ഓട്ടോമേഷന്‍ സാങ്കേതികവിദ്യകള്‍, അഗ്രോ ബേസ്ഡ് ആന്‍ഡ് ഫുഡ് പ്രോസസിംഗ് പാക്കേജിംഗ്, ജനറല്‍ എന്‍ജിനിയറിംഗ്, ഇലക്ട്രിക്കല്‍ ഇലക്ട്രോണിക്സ്, മരാധിഷ്ടിത വ്യവസായങ്ങള്‍, റബ്ബര്‍ ആന്‍ഡ് പ്ലാസ്റ്റിക്, ഫൂട്ട്‌വിയര്‍, പ്രിന്റിംഗ്, ഫാര്‍മസ്യൂട്ടിക്കല്‍സ്, ആയുര്‍വേദ, അപ്പാരല്‍, വേസ്റ്റ് മാനേജ്മെന്റ്, പ്ലാസ്റ്റിക് റീസൈക്കിള്‍ ഇ-മൊബിലിറ്റി, റിന്യുവബിള്‍ എനര്‍ജി തുടങ്ങിയ മേഖലകളിലെ മെഷിനറികള്‍ പ്രദര്‍ശനത്തിലുണ്ടാകും.
സംരംഭകര്‍ക്കും സംരംഭകരാകുവാന്‍ ആഗ്രഹിക്കുന്നവര്‍ക്കും മെഷിനറി എക്സ്പോ 2024 ല്‍ പങ്കെടുക്കാവുന്നതാണ്. തത്സമയ മെഷിനറി ഡെമോയും എക്‌സ്‌പോയിലുണ്ടാകും. വിശദ വിവരങ്ങള്‍ക്ക് ഫോണ്‍: 9188401706