നൈജീരിയയിലും മറ്റും കണ്ടുവരുന്ന വളരെ വർണ്ണാഭമായ മുഖത്തോടു കൂടിയ ഒരുതരം ആൾകുരങ്ങുകൾ ആണ് മാൻഡ്രിൽ കുരങ്ങുകൾ.
ലോകത്തിലെ തന്നെ ഏറ്റവും പ്രായം കൂടിയ മാൻട്രിൽ കുരങ്ങിനെ അരിസോണ മൃഗശാലയിൽ കണ്ടെത്തി. ഇതിന് 37 വയസ്സുണ്ട്.
നിക്കി എന്ന പേരുള്ള പെൺ മാൻട്രിൽ 1987 ജനുവരി 13ന് ഒറിഗൺ മൃഗശാലയിലാണ് ജനിച്ചത്. എന്നാൽ കഴിഞ്ഞ ആറു വർഷങ്ങളായി അത് അരിസോണ മൃഗശാലയിൽ ആണുള്ളത്.
ലോകത്തിലെ തന്നെ ഏറ്റവും വലിയ ഇനങ്ങൾ ആയ ഈ കുരങ്ങുകളുടെ ശരാശരി ആയുസ്സ് ഏകദേശം 18.3 വയസ്സ് ആണ്. എന്നാൽ ഇപ്പോഴുള്ള നിക്കിയുടെ പ്രായം അതിൻറെ ഇരട്ടി ആണെന്നാണ് മൃഗശാല ഉദ്യോഗസ്ഥർ ഗിന്നസ്സ് വേൾഡ് റെക്കോർഡിനോട് പറഞ്ഞത്.
നിക്കിയുടെ സഹോദരിയായ വിക്ടോറിയ 2022 ഏപ്രിലിൽ 35 വയസ്സുള്ളപ്പോഴാണ് മരിക്കുന്നത്.
ഇവരെ രണ്ടുപേരെയും അരിസോണയിലേക്ക് മാറ്റിയത് ഉചിതമായ കാലാവസ്ഥയിൽ ജീവിക്കുന്നതിന് വേണ്ടിയാണ്.
കഠിനമായ തണുപ്പ് കാലാവസ്ഥ മാൻഡ്രിലുകൾക്ക് ദോഷം ചെയ്യും.
നിക്കിയാണ് ഇപ്പോൾ ജീവിച്ചിരിക്കുന്ന മാൻഡ്രിലുകളിൽ ഏറ്റവും പ്രായം കൂടിയ മാൻഡ്രിൽ. ഇതിനു മുൻപ് അത് ഡള്ളാസ്സ് മൃഗശാലയിലെ 40 വയസ്സുണ്ടായിരുന്ന ഒരു പെൺ മാൻട്രിൽ ആയിരുന്നു.