സംസ്ഥാന യുവജന കമ്മീഷന്‍ മൂപ്പന്‍സ് മെഡിക്കല്‍ കോളേജിന്റെ സഹകരണത്തോടെ വെങ്ങപ്പള്ളി പഞ്ചായത്തിലെ കോക്കുഴി അങ്കണവാടിയില്‍ മെഡിക്കല്‍ ക്യാമ്പ് സംഘടിപ്പിച്ചു. യുവജന കമ്മീഷന്‍ ചെയര്‍മാന്‍ എം ഷാജര്‍ ക്യാമ്പ് ഉദ്ഘാടനം ചെയ്തു. വെങ്ങപ്പള്ളി ഗ്രാമപഞ്ചായത്ത് പ്രസിഡന്റ് ഇ.കെ രേണുക അധ്യക്ഷയായി. ജനറല്‍, ഇ.എന്‍.ടി, നേത്ര വിഭാഗങ്ങളില്‍ നടത്തിയ മെഡിക്കല്‍ ക്യാമ്പില്‍ നിരവധി ആളുകള്‍ പങ്കെടുത്തു.കമ്മിഷന്‍ അംഗം കെ.റഫീഖ്, പി.എം നാസര്‍, ദീപാ രാജന്‍, ബിനു, ഡോക്ടര്‍ തീര്‍ത്ഥ, ജ്യോതി, പി.ജംഷീദ്, ജെറീഷ്, ആദര്‍ശ് എന്നിവര്‍ സംസാരിച്ചു.