ചെയ്യുന്ന ജോലിയില്‍ ആത്മാര്‍ത്ഥതയുണ്ടെങ്കിലേ നല്ല ഭാവിയും വിജയസാധ്യതയും ഉണ്ടാകൂ.
ഇതിനുദാഹരണമായി ഒരു കഥ പറയാം.
മൂന്നുപേരാണ് ഈ കഥയിലുള്ളത്.
ഒന്നാമന്‍ ഒരു വിറകുവെട്ടുകാരന്‍.
വിറകു വെട്ടിത്തീര്‍ക്കുമ്പോഴെല്ലാം അയാളുടെ മനസ്സിലെ ചിന്ത ഇതായിരുന്നു, ‘ഓ, ഒരു നശിച്ച ജോലി, എന്‍റെയൊരു തലേവിധി!’
രണ്ടാമന്‍ ഒരു കൂലിപ്പണിക്കാരന്‍. ‘വേഗം ജോലി തീര്‍ത്ത് വൈകിട്ട് കൂലി വാങ്ങണം,’ എന്നായിരുന്നു അയാളുടെ ചിന്ത.
മൂന്നാമന്‍ ഒരു കച്ചവടക്കാരന്‍. അയാളാണെങ്കില്‍ ചിന്തിച്ചത്, ‘ഈ ജോലി എനിക്കേറെ സംതൃപ്തി തരുന്നുണ്ട്’ എന്നായിരുന്നു.
ഇവരില്‍ ആരെപ്പോലെയാകണം എന്നൊരു ചോദ്യമുണ്ടായാല്‍ എന്തായിരിക്കും ഉത്തരം?
വിറകുവെട്ടുകാരന്‍റെ കാര്യം പറയുകയാണെങ്കില്‍ ഇഷ്ടപ്പെട്ട ജോലി കിട്ടാത്തവര്‍ ഇങ്ങനെ ചിന്തിക്കുന്നതില്‍ തെറ്റു പറയാനാവുമോ എന്നു തോന്നും, അല്ലേ?
കൂലിപ്പണിക്കാരന്‍റെ കാര്യമാലോചിച്ചാല്‍ തോന്നും, എല്ലാവരും പൈസയ്ക്കു വേണ്ടിയല്ലേ ജോലി ചെയ്യുന്നത് എന്ന് അല്ലേ?
എന്നാല്‍ കച്ചവടക്കാരനില്‍ പോസിറ്റീവായ എല്ലാ ഗുണങ്ങളുമുണ്ട്.
അയാള്‍ തന്‍റെ ജോലിയെ ഇഷ്ടപ്പെടുന്നു, അതില്‍ ആനന്ദം കണ്ടെത്തുന്നു. അയാളെപ്പോലെയുള്ളവര്‍ക്കേ ഭാവിയുണ്ടാകൂ.
–അഡ്വ.ലക്ഷ്മി