ആക്ഷൻ ഹീറോ ബിജു റിലീസ് ആയിട്ട് എട്ട് വർഷങ്ങൾ പൂർത്തിയാകുന്ന ഈ അവസരത്തിൽ ചിത്രത്തിന്റെ രണ്ടാം ഭാഗം ഉടൻ ആരംഭിക്കുമെന്ന് പ്രഖ്യാപിച്ചിരിക്കുകയാണ്.
വർഷങ്ങൾ ഇത്ര കഴിഞ്ഞിട്ടും ചിത്രത്തിനോട് ഇപ്പോഴും തുടരുന്ന സ്നേഹത്തിനും പിന്തുണക്കും നിവിൻ പോളി നന്ദി പറഞ്ഞു. അങ്ങനെ നിവിൻ പോളി വളരെ ആവേശത്തോടെ തന്റെ സോഷ്യൽ മീഡിയയിലൂടെ “ആക്ഷൻ ഹീറോ ബിജു‘ വിന്റെ രണ്ടാം ഭാഗത്തിന്റെ പ്രഖ്യാപനം നടത്തുകയായിരുന്നു. നിർമാതാവ് എന്ന നിലയിൽ നിവിൻ അരങ്ങേറ്റം കുറിച്ച
ചിത്രമായിരുന്നു, ആക്ഷൻ ഹീറോ ബിജു. ചിത്രത്തിന്റെ രണ്ടാം ഭാഗം നിവിൻ പോളിയും ഷംനാസും ചേർന്നാണ് നിർമ്മിക്കുന്നത്.
“ആക്ഷൻ ഹീറോ ബിജു” റിലീസായത് 2016 ഫെബ്രുവരി നാലിനായിരുന്നു. ആക്ഷൻ ഹീറോ ബിജു അടിസ്ഥാനപരമായി ഒരു പോലീസുകാരൻ്റെ ജീവിതത്തിൽ നിന്നുള്ള സംഭവങ്ങളുടെയും സാഹചര്യങ്ങളുടെയും ഒരു ചിത്രമാണ്. എസ്ഐ ബിജു എന്ന ഒരു പോലീസ് ഓഫീസർക്കൊപ്പമുള്ള സവാരി ആണ് ചിത്രം. അത്ഭുതപ്പെടുത്തുന്ന പഞ്ച് ഡയലോഗുകളും ‘എൻ്റെ സ്റ്റേഷൻ പരിധിയിൽ ഒരു ഗുണ്ട മാത്രം മതി’ പോലുള്ള വൺ-ലൈനറുകളും ഉണ്ട്.
പ്രൊഡക്ഷൻ കൺട്രോർ- ശ്യാം ലാൽ, പി ആർ ഒ- എ എസ് ദിനേശ്.
