പ്രജ്വൽ രേവണ്ണ ഇന്നലെ അർധരാത്രിയോടെ വിദേശത്ത് നിന്നും തിരിച്ചെത്തിയേക്കുമെന്ന് സൂചന ഉണ്ടായിരുന്നുവെങ്കിലും യാത്ര റദ്ദാക്കി.
അവസാന നിമിഷമായിരുന്നു യാത്ര ക്യാസൽ ചെയ്തത്.
ലുഫ്താൻസ വിമാനത്തിൽ രാത്രി 12.30 ഓടെ ബെംഗളൂരുവിൽ എത്തുന്ന യാത്രാ ടിക്കറ്റാണു റദ്ദാക്കിയത്.
ഈ ടിക്കറ്റ് ഏപ്രിൽ 26ന് ജർമനിയിലേക്കു പോയപ്പോൾ തന്നെ എടുത്തതായിരുന്നു.
പ്രജ്വലിനെ വിമാനത്താവളത്തിൽ വെച്ച് തന്നെ കസ്റ്റഡിയിൽ എടുക്കും എന്ന പ്രഖ്യാപനങ്ങളൊന്നും നടന്നില്ല.
പ്രജ്വലിനെതിരെ 3 ലൈംഗികകേസുകൾ നിലവിലുണ്ട്.
രണ്ടു പ്രാവശ്യം നോട്ടീസ് നൽകിയെങ്കിലും കീഴടങ്ങിയിരുന്നില്ല.
അതിനാൽ ഇന്റർപോൾ ബ്ലൂ കോർണർ നോട്ടീസ് പുറത്തിറക്കിയിരുന്നു.