റോയൽ എൻഫീൽഡ് തങ്ങളുടെ ഏറ്റവും പുതിയ മോട്ടോർസൈക്കിളായ ഗറില്ല 450 ഇന്ത്യയിൽ അവതരിപ്പിച്ചു. എക്സ്ഷോറൂം 2.39 ലക്ഷം രൂപയ്ക്കാണ് പുറത്തിറക്കിയിരിക്കുന്നത്. 3 വേരിയൻ്റുകളിലും 5 കളർ ഓപ്ഷനുകളിലുമാണ് കമ്പനി ഗറില്ല 450 വിപണിയിൽ അവതരിപ്പിച്ചത്. ഓഗസ്റ്റ് ഒന്നു മുതൽ വിൽപ്പന ആരംഭിക്കും. ബുക്കിംഗ് ആരംഭിച്ചു കഴിഞ്ഞു. ഷെർപ 450 പ്ലാറ്റ്ഫോമിലാണ് ഈ പ്രീമിയം റോഡ്സ്റ്റർ നിർമ്മിച്ചിരിക്കുന്നത്, കൂടാതെ 40PS പവറും 40Nm ടോർക്കും നൽകുന്ന 452 സിസി എഞ്ചിനുമുണ്ട്.
അനലോഗ്, ഡാഷ്, ഫ്ലാഷ് എന്നിങ്ങനെ മൂന്ന് വേരിയൻ്റുകളിൽ ലഭ്യമാണ്. ഐഷർ മോട്ടോഴ്സിൻ്റെ മാനേജിംഗ് ഡയറക്ടർ സിദ്ധാർത്ഥ ലാൽ ബൈക്കിൻ്റെ പ്രത്യേകതകളെ പറ്റിയും അത് നിർമ്മിച്ച അത്യാധുനിക എഞ്ചിനീയറിംഗിനെ കുറിച്ചും സംസാരിച്ചു. നഗര സവാരികൾക്കും ദീർഘദൂര യാത്രകൾക്കും ഇത് അനുയോജ്യമാണെന്ന് അദ്ദേഹം പറഞ്ഞു.