ലോകപ്രസിദ്ധമായ ഒക്സ്ഫോര്ഡ് ഡിക്ഷണറിയുടെ കഥ പറയാം. 1857-ല് ലണ്ടനിലെ ഫിലോളജിക്കല് സൊസൈറ്റി ഒരു ഇംഗ്ലീഷ് ഡിക്ഷണറി തയ്യാറാക്കാന് തീരുമാനിച്ചു. ആദ്യം അതത്ര പ്രയാസമുള്ള കാര്യമാണെന്നവര്ക്ക് തോന്നിയില്ല.
പക്ഷെ ദിവസങ്ങള് കഴിഞ്ഞപ്പോള് അവര് വല്ലാതെ കുഴങ്ങി. 1879-ല് ജെയിംസ് എ.എച്ച്. മുറേ എന്ന ഭാഷാജ്ഞാനിയുടെ നേതൃത്വത്തിലുള്ള പണ്ഡിതന്മാരെ ബാക്കി ചുമതല ഏല്പ്പിച്ചു. എല്ലാവരും കൂടി കഠിനപ്രയത്നം തുടങ്ങി. 6400 പേജില് പുസ്തകം തീര്ക്കാമെന്നാണ് അവര് കരുതിയത്.
പക്ഷെ അഞ്ചു വര്ഷങ്ങള് കഴിഞ്ഞിട്ടും അവര് ‘ആന്റ്'(ഉറുമ്പ്) എന്ന വാക്കിലേ എത്തിയുള്ളു. അങ്ങനെ ഇഴഞ്ഞിഴഞ്ഞ് 50 വര്ഷങ്ങള്ക്കുശേഷം ഒക്സ്ഫോര്ഡ് ഇംഗ്ലീഷ് ഡിക്ഷണറി തയ്യാറായി.
10 വാല്യങ്ങളായി പ്രസിദ്ധീകരിച്ച ആദ്യനിഘണ്ടുവില് 4 ലക്ഷം വാക്കുകളുണ്ടായിരുന്നു. പിന്നീട് 1989-ല് 20 വാല്യങ്ങളില് 22,000 പേജുള്ള ഡിക്ഷണറി പുറത്തിറങ്ങി. ഇതില് മഹാന്മാരുടെ ഉദ്ധരണികളും ചേര്ത്തിട്ടുണ്ടായിരുന്നു.