രാമക്ഷേത്ര ഉദ്ഘാടനത്തോടനുബന്ധിച്ച് നഗരം അലങ്കരിച്ചിരിക്കുന്നു. ക്ഷേത്രം പൂക്കളും പ്രത്യേക വിളക്കുകളും കൊണ്ട് അലങ്കരിച്ചിരിക്കുന്നു.
മേൽപ്പാലങ്ങളിലെ തെരുവുവിളക്കുകൾ ശ്രീരാമനെ പ്രതിനിധീകരിക്കുന്ന കലാസൃഷ്ടികൾ കൊണ്ട് അലങ്കരിച്ചിരിക്കുന്നു. അതിൽ വില്ലിന്റെയും അമ്പിന്റെയും കട്ടൗട്ടുകൾ, പരമ്പരാഗത രാമാനന്ദി തിലകം പ്രമേയമാക്കിയുള്ള അലങ്കാര വിളക്കുകൾ എന്നിവ ഉൾപ്പെടുന്നു.
റാം ഫിർ ലൗട്ടേംഗേ, (ശ്രീരാമൻ തിരിച്ചുവരും), വിരാജേംഗേ ശ്രീറാം (ശ്രീരാമൻ എഴുന്നള്ളും), തയ്യാർ ഹേ അയോധ്യ ധാം (അയോധ്യ തയ്യാറാണ്) എന്നിവയാണ് നഗരത്തിലുടനീളം കാണപ്പെടുന്ന പോസ്റ്ററുകളിലും ഹോർഡിംഗുകളിലും ഉപയോഗിച്ചിരിക്കുന്ന മുദ്രാവാക്യങ്ങൾ. സരയൂ നദീതീരം, ലതാ മങ്കേഷ്‌കർ ചൗക്ക്, രാം മാർഗ് തുടങ്ങിയ പ്രമുഖ സ്ഥലങ്ങളിൽ രാമായണം എന്ന ഇതിഹാസത്തിലെ വിവിധ വാക്യങ്ങൾ പോസ്റ്ററുകളിൽ മുദ്രാവാക്യങ്ങളായി അച്ചടിച്ചിട്ടുണ്ട്. സരയൂ നദീതീരങ്ങൾ അലങ്കരിച്ചിരിക്കുന്നു.
ശ്രീരാമനെ ആഘോഷിക്കുന്ന വിവിധ സാംസ്കാരിക പരിപാടികൾ നഗരത്തിലുടനീളം നടന്നു.
വിവിധ സ്ഥലങ്ങളിൽ നിന്നുള്ള സമ്മാനങ്ങൾ രാമക്ഷേത്ര ഉദ്ഘാടനത്തിന് നിരവധി സമ്മാനങ്ങളാണ് അയോധ്യയിലേക്ക് ഒഴുകിയെത്തുന്നത്. ഭഗവാൻ രാമന്റെ ചിത്രങ്ങളുള്ള വളകൾ, 56 ഇനം മധുരപലഹാരം, വില്ല്, അരി, ലഡു, പച്ചക്കറികൾ എന്നിവ ഇതിൽ ഉൾപ്പെടുന്നു.
ക്ഷേത്രത്തിന്റെ മേൽത്തട്ട് മുഴുവനും മൂന്ന് നിലകളായിരിക്കും. സന്ദർശകർക്ക് കിഴക്ക് ഭാഗത്ത് നിന്ന് 32 പടികൾ കയറി വേണം രാമക്ഷേത്രത്തിന്റെ പ്രധാന സ്ഥലത്തെത്താൻ.