ഗോവയിൽ നവംബറിൽ നടക്കുന്ന ഇൻ്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യയ്ക്കൊപ്പം ആദ്യ വേൾഡ് ഓഡിയോ വിഷ്വൽ ആൻഡ് എൻ്റർടൈൻമെൻ്റ് സമ്മിറ്റിനും ഇന്ത്യ ആതിഥേയത്വം വഹിക്കും.
നവംബർ 20 മുതൽ 24 വരെ ഗോവയിൽ വേൾഡ് ഓഡിയോ വിഷ്വൽ ആൻഡ് എൻ്റർടൈൻമെൻ്റ് സമ്മിറ്റ് ഇന്ത്യ സംഘടിപ്പിക്കും. ലോകമെമ്പാടുമുള്ള മാധ്യമ-വിനോദ വ്യവസായത്തിൻ്റെ നാഴികക്കല്ലായി മാറുന്ന ഉച്ചകോടിക്ക് ഇന്ത്യ ആതിഥേയത്വം വഹിക്കുമെന്ന് ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രി അശ്വനി വൈഷ്ണവ് അറിയിച്ചു. ന്യൂഡൽഹിയിൽ നടന്ന കർട്ടൻ റൈസർ പരിപാടിയിൽ ഗോവ മുഖ്യമന്ത്രി പ്രമോദ് സാവന്തും പങ്കെടുത്തു.
ഇൻ്റർനാഷണൽ ഫിലിം ഫെസ്റ്റിവൽ നവംബർ 20 മുതൽ 28 വരെ ഗോവയിൽ നടക്കുമെന്ന് സാവന്ത് പറഞ്ഞു. ഇന്ത്യയെ ബിസിനസ് സൗഹൃദ രാജ്യമായും ഈ മേഖലയിലെ നിക്ഷേപ കേന്ദ്രമായും അവതരിപ്പിക്കാനും ഇതിലൂടെ ശ്രമിക്കും. മാധ്യമ, വിനോദ മേഖലകളിൽ ഇന്ത്യയെ ആഗോള തലത്തിലേക്ക് ഉയർത്താൻ വേവ്സ് ഇവൻ്റ് ശ്രമിക്കുമെന്ന് ഇൻഫർമേഷൻ ആൻഡ് ബ്രോഡ്കാസ്റ്റിംഗ് സെക്രട്ടറി സഞ്ജയ് ജാജു പറഞ്ഞു.