കോഴിക്കോട്: ഹോട്ടലിന്റെ മാലിന്യ ടാങ്ക് വൃത്തിയാക്കാൻ ഇറങ്ങിയ 2 തൊഴിലാളികളാണ് ശ്വാസം മുട്ടി മരിച്ചത്. കുറച്ചു കാലമായി പൂട്ടിയിട്ടിരിക്കുകയായിരുന്ന ഹോട്ടലിന്റെ ടാങ്ക് വൃത്തിയാക്കാനിറങ്ങിയപ്പോഴായിരുന്നു ഈ ദാരുണ സംഭവം. അമ്മാസ് ദാബ എന്ന ഹോട്ടലിന്റേതാണ് ടാങ്ക്.ദ്രവരൂപത്തിൽ രണ്ടടിയോളം മാലിന്യം ഉണ്ടായിരുന്നു. ഇത് വൃത്തിയാക്കാനാണ് തൊഴിലാളികൾ ഇറങ്ങിയത്.
ആദ്യം ഇറങ്ങിയ ആൾ ബോധംകെട്ട് വീണു. അപ്പോൾ രണ്ടാമത്തെ ആൾ ഇറങ്ങുകയായിരുന്നു.ഇയാളും ബോധകെട്ടുവീണതിനെത്തുടർന്ന് അഗ്നിരക്ഷാസേന എത്തിയാണ് ഇവരെ പുറത്തെത്തിച്ചത്.ഉടൻ തന്നെ മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ഇവരെ തിരിച്ചറിയാൻ കഴിഞ്ഞിട്ടില്ല.
