തിരുക്കർമങ്ങള് നടക്കുമ്പോള് ദേവാലായങ്ങളില് വീഡിയോയും ഫോട്ടോയും എടുക്കുന്നവർ ക്രൈസ്തവ വിശ്വാസികളായിരിക്കുന്നതാണ് അഭികാമ്യമെന്ന് താമരശേരി അതിരൂപതാ ബിഷപ്പ് മാർ റെമിജിയോസ് ഇഞ്ചനാനി.ദൈവാലായ തിരുക്കർമങ്ങള് – ഫോട്ടോ ഗ്രാഫേഴ്സിനുള്ള നിർദേശങ്ങള്’ എന്ന തലക്കെട്ടോടെയാണ് നിർദേശം.’തിരുക്കർമസമയത്ത് ദേവാലയങ്ങളില് ഫോട്ടോ അല്ലെങ്കില് വീഡിയോ ചിത്രീകരിക്കുന്നവർ ക്രൈസ്തവ വിശ്വാസികളായിരിക്കുന്നതാണ് അഭികാമ്യം. അക്രൈസ്തവരെങ്കില് വിശുദ്ധ കുർബാനയെക്കുറിച്ചും തിരുക്കർമങ്ങളെക്കുറിച്ചും അറിവുള്ളവരായിരിക്കണം. ദൈവാലയങ്ങളുടെ പരിശുദ്ധിക്ക് അനുയോജ്യമായ മാന്യമായ വസ്ത്രം ധരിച്ചാവണം ദേവാലയത്തില് പ്രവേശിക്കേണ്ടത്.” എന്നീ നിർദേശങ്ങളാണ് നല്കിയിരിക്കുന്നത്.