ക്ഷേത്രങ്ങളിലെ ക്രമക്കേടുകളെപ്പറ്റി അന്വേഷിക്കാൻ തിരുവിതാംകൂർ ദേവസ്വം ബോർഡ്. വഴിപാടുകളിലെ ക്രമക്കേടുകൾ, ക്ഷേത്രങ്ങളിലെ പണം യഥാസമയം ബോർഡിന്റെ അക്കൗണ്ടിൽ ഒടുക്കാത്തത്, ആനയെഴുന്നള്ളത്തിൽ ഉൾപ്പെടെയുള്ള തട്ടിപ്പുകൾ, ഭൂമി നഷ്‌ടപ്പെട്ടത് തുടങ്ങിയ പരാതികളിൽ ദേവസ്വം വിജിലൻസ് അന്വേഷണം നടത്തും.ശബരിമല സ്വർണക്കൊള്ള പുറത്തുവന്നതോടെ നിരവധി ക്ഷേത്രങ്ങളിലെ ജീവനക്കാർക്കെതിരേ ആരോപണമുയർന്നിട്ടുണ്ട്. ദേവസ്വം വിജിലൻസ് ക്രമക്കേടുകൾ കണ്ടെത്തിയാലും ബോർഡിൻ്റെ ഭാഗത്തു നിന്നു കാര്യമായ നടപടികളുണ്ടാകാറില്ല.