സുഹൃത്തിന്റെ വീട്ടിൽ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. വാരപ്പെട്ടി ഏറാമ്പ്ര സ്വദേശി അരഞ്ഞാണിയിൽ വീട്ടിൽ സിജോ (47) മരിച്ചത്. സുഹൃത്തായ ഫ്രാൻസിയുടെ വീട്ടിലാണ് മൃതദേഹം കണ്ടത്. രാത്രി ഒൻപതു മണിയോടെയാണ് സംഭവം പുറത്തറിയുന്നത്. ഫ്രാൻസി തന്നെയാണ് സിജോ മരിച്ചു കിടക്കുന്ന വിവരം അയൽവാസിയെ അറിയിച്ചത്. ഫ്രാൻസിയെ പൊലീസ് കസ്റ്റഡിയിൽ എടുത്തിട്ടുണ്ട്. പുറത്തുപോയി തിരികെ വന്നപ്പോൾ സിജോയെ മരിച്ച നിലയിൽ കണ്ടു എന്നാണ് ഇയാൾ അയൽവാസികളോടും പൊലീസിനോടും പറഞ്ഞത്. ചോരപ്പാടുകളുള്ള മൃതദേഹത്തിന് സമീപം കോടാലിയും കണ്ടെത്തി.