മുൻ നിയമസഭാ സ്പീക്കറും ഭരണഘടനാ നിർമ്മാണ സമിതി അംഗവുമായിരുന്ന ആർ.വി. തോമസിന്റെ 71-ാമത് ചരമവാർഷികത്തോടനുബന്ധിച്ചുള്ള അനുസ്മരണ സമ്മേളനവും പുരസ്കാര സമർപ്പണവും ഫെബ്രുവരി 1-ന് നടക്കും. പാലാ നെല്ലിയാനി ലയൺസ് ക്ലബ്ബ് ഹാളിൽ 1 ന് വൈകുന്നേരം 4.30-നാണ് ചടങ്ങ്. പ്രതിപക്ഷ നേതാവ് വി.ഡി. സതീശൻ എം.എൽ.എ സമ്മേളനത്തിൽ മുഖ്യാതിഥിയായി പങ്കെടുത്ത് ഇത്തവണത്തെ ആർ.വി. തോമസ് സ്മാരക പുരസ്കാരം തിരുവഞ്ചൂർ രാധാകൃഷ്ണൻ എം എൽ എയ്ക്കു സമ്മാനിക്കും.മുൻ മന്ത്രിയും എം.എൽ.എയുമായ പി.ജെ. ജോസഫ് സമ്മേളനം ഉദ്ഘാടനം ചെയ്യും. ആർ.വി. സ്മാരക സമിതി പ്രസിഡന്റ് ഡോ. സിറിയക് തോമസിന്റെ അധ്യക്ഷതയിൽ നടക്കുന്ന ചടങ്ങിൽ കെ പി സി സി പ്രസിഡൻ്റ് അഡ്വ. സണ്ണി ജോസഫ് എം.എൽ.എ സ്മാരക പ്രഭാഷണം നടത്തും.ഏഷ്യയിലെ ഏറ്റവും പ്രായം കുറഞ്ഞ നഗരസഭാ അധ്യക്ഷയായി തിരഞ്ഞെടുക്കപ്പെട്ട പാലാ മുനിസിപ്പൽ ചെയർപേഴ്സൺ കുമാരി ദിയ ബിനുവിനെ ചടങ്ങിൽ മാണി സി. കാപ്പൻ എം.എൽ.എ ആദരിക്കും.തോമസ് ആർ.വി. ജോസ് പ്രശസ്തിപത്രം പാരായണം ചെയ്യും. സ്മാരക സമിതി ജനറൽ കൺവീനർ ഡോ. സാബു ഡി. മാത്യു,പ്രൊഫ. ആനി ജോയ് എന്നിവർ സംസാരിക്കും. ചടങ്ങിൽ രാഷ്ട്രീയ-സാമൂഹിക രംഗത്തെ പ്രമുഖർ പങ്കെടുക്കും.