എറണാകുളം വൈറ്റിലയില് റെയില്വേ ട്രാക്കിന് സമീപം യുവതിയെ മരിച്ച നിലയില് കണ്ടെത്തി. മറ്റൊരിടത്തു കൊലപാതകം നടത്തിയതിന് ശേഷം മൃതദേഹം ട്രാക്കില് വെച്ചതാണെന്ന് നിഗമനം. 40-50 വയസ് പ്രായം തോന്നിക്കുന്ന സ്ത്രീയുടെ മൃതദേഹമാണ് കണ്ടെത്തിയിരിക്കുന്നത്.മൃതദേഹം ട്രെയിന് കേറാത്ത ട്രാക്കിനു പുറത്താണ്. പുലര്ച്ചെ മൂന്ന് മണിയോടെയാണ് മൃതദേഹം കണ്ടെത്തിയത്. ലോക്കോ പൈലറ്റാണ് മൃതദേഹം കണ്ടത്. പിന്നീട് റെയില്വേയിലും പൊലീസിനെയും വിവരം അറിയിക്കുകയായിരുന്നു.തുടര്ന്ന് പോലീസ് സ്ഥലത്തെത്തി പരിശോധന നടത്തി. സമീപത്തു നിന്നും ഒരു മൊബൈല് ഫോണ് കണ്ടെടുത്തിട്ടുണ്ട്. ഫോണ് പരിശോധയില് നിന്നും യുവതിയെ കുറിച്ചുള്ള വിവരങ്ങള് ലഭിക്കുമെന്നാണ് സൂചനകള്. ഇന്ക്വസ്റ്റ് നടപടികള്ക്ക് ശേഷമേ കൂടുതല് വിവരങ്ങള് ലഭ്യമാകൂ.