ബ്ലാസ്റ്റേഴ്സിൻ്റെ ഹോം മത്സരങ്ങളെല്ലാം കൊച്ചിയിൽ തന്നെ നടക്കും.കല്ലൂർ സ്‌റ്റേഡിയത്തിൻ്റെ വാടകത്തുക 4.2 ലക്ഷം രൂപയിൽ നിന്നു 3 ലക്ഷമായി കുറയ്ക്കാൻ ജിസിഡിഎ തീരുമാനിച്ചതോടെ കേരള ബ്ലാസ്റ്റേഴ്സ് – ഇൻ്റർ കാശി ഐഎ സ്‌എൽ മത്സരം നേരത്തെ നിശ്‌ചയിച്ചതു പോലെ നാളെ കലൂർ ജവാഹർലാൽ നെഹ്റു സ്റ്റേഡിയത്തിൽ തന്നെ നടക്കും.ബ്ലാസ്‌റ്റേഴ്‌സിന്റെ ഓരോ മത്സരത്തിനും 3 ലക്ഷം രൂപ വീതം വാടക ഈടാക്കാനാണ് ഇന്നലെ ജിസിഡിഎ എക്‌സിക്യൂട്ടീവ് യോഗം തീരുമാനിച്ചത്. അതേസമയം, കരുതൽ ധനം ഒരു കോടി രൂപയായി നിലനിർത്താനാണു തീരുമാനം. മത്സരദിന വാടക 2 ലക്ഷമായും കരുതൽ ധനം 50 ലക്ഷം രൂപയായും കുറയ്ക്കണമെന്നായിരുന്നു ബ്ലാസ്‌റ്റേഴ്‌സിന്റെ ആവശ്യം. പുതിയ നിർദേശം ബ്ലാസ്റ്റേഴ്സ് അംഗീകരിച്ചതോടെ ഈ സീസണിലെ ടീമിന്റെ ഹോം മത്സരങ്ങളെല്ലാം കൊച്ചിയിൽ തന്നെ നടക്കും