ചേർത്തലയിൽ സ്കൂട്ടറിനു കടന്നുപോകാൻ സൈഡ് കൊടുക്കാത്തതിന് പോലീസുകാരൻ കെ എസ് ആർ ടി സി ബസ് ഡ്രൈവറെ മർദിച്ചു.ബസിൻ്റെ കണ്ണാടി തകർത്തതായും പരാതി.മർദ്ദനമേറ്റ കെ എസ് ആർ ടി സി ഡ്രൈവർ മഹാദേവനെ ചേർത്തല താലൂക്ക് ആശുപത്രിയിൽ പ്രവേശിപ്പിച്ചു. ഡ്രൈവറും കണ്ടക്ടറും ചേർത്തല പോലിസിൽ പരാതി നൽകി.കൊച്ചി ഹാർബർ സ്റ്റേഷനിലെ പോലീസുകാരൻ വിനീതിനെതിരെയാണ് പരാതി.ഭാര്യക്കും കുഞ്ഞിനുമൊപ്പമെത്തിയായിരുന്നു അക്രമമെന്ന് പരാതി.ദേശീയ പാതയിൽ മതിലകം മുതൽ സ്കൂട്ടർ ബസിനു മുന്നിൽ തടസമുണ്ടാക്കുന്ന തരത്തിൽ ഓടിച്ചതായി ബസിലെ സി സി ടി വി ദൃശ്യങ്ങളടക്കമാണ് പരാതി നൽകിയത്. തിരുവനന്തപുരത്തു നിന്നും കൊടുങ്ങല്ലൂരിലേക്കു പോകുകയായിരുന്ന കെ എസ് ആർ ടി സി സ്വിഫ്റ്റ് ബസ്.കെ എസ് ആർ ടി സി ബസിന്റെ അപകടകരമായ ഡ്രൈവിങ്ങ് ചോദ്യം ചെയ്തതു മാത്രമാണെന്നാണ് പോലീസുകാരൻ പറയുന്നത്.