എറണാകുളം സൗത്ത് ജനതാ റോഡിൽ ഇന്നലെ രാത്രി തേവര എസ്.എച്ച് കോളേജിലെയും ലോ കോളേജിലെയും വിദ്യാർത്ഥികൾ തമ്മിൽ പരസ്യമായി ഏറ്റുമുട്ടി കൂട്ടയടി.പ്രദേശത്തെ ഒരു ചായക്കടയിൽ വെച്ചുണ്ടായ പെട്ടെന്നുള്ള പ്രകോപനമാണ് പിന്നീട് നടുറോഡിലെ സംഘർഷത്തിൽ കലാശിച്ചത്. കൂട്ടയടിക്കിടെ നിലത്തുവീണ ഒരു യുവാവിന്റെ തലയ്ക്ക് ഹെൽമെറ്റ്കൊണ്ട് അടിയേറ്റു. പരിക്കേറ്റ വിദ്യാർത്ഥി പാലാരിവട്ടം പോലീസിൽ പരാതി നൽകിയിട്ടുണ്ട്. വിദ്യാർത്ഥിയിൽ നിന്ന് കൂടുതൽ വിവരങ്ങൾ ശേഖരിച്ച ശേഷമേ കേസെടുക്കുകയുള്ളൂ എന്ന് പോലീസ് അറിയിച്ചു. സംഭവത്തിന്റെ കാരണം വ്യക്തമല്ലെങ്കിലും, ഇതിന്റെ ദൃശ്യങ്ങൾ പുറത്തുവന്നിട്ടുണ്ടെന്നും പോലീസ് അന്വേഷണം ആരംഭിച്ചിട്ടുണ്ടെന്നും വിവരമുണ്ട്.