കണ്ണൂര് സര്വകാലാശാല എസ്എഫ്ഐ യൂണിയന് നിലനിര്ത്തി. തുടര്ച്ചയായ 27ാം വര്ഷമാണ് എസ്എഫ്ഐ യൂണിയന് നിലനിര്ത്തുന്നത്.മത്സരിച്ച മുഴുവന് സീറ്റിലും എസ്എഫ്ഐ ജയിച്ചു.അതേസമയം കാലിക്കറ്റ് യൂണിവേഴ്സിറ്റി യൂണിയന് തെരഞ്ഞെടുപ്പില് ഉജ്വല വിജയം നേടി യുഡിഎസ്എഫ്. ചെയര്പേഴ്സണ്, വൈസ് ചെയര്പേഴ്സണ്, ലേഡി വൈസ് ചെയര്പേഴ്സണ്, സെക്രട്ടറി, ജോയിന്റ് സെക്രട്ടറി എന്നീ സീറ്റുകള് യുഡിഎസ്എഫ് നിലനിര്ത്തി.കോഴിക്കോട്, മലപ്പുറം ജില്ലാ എക്സിക്യൂട്ടീവ് സീറ്റുകളിലും യുഡിഎസ്എഫ് വിജയിച്ചു. തുടര്ച്ചയായ മൂന്നാം തവണയാണ് കാലിക്കറ്റില് യുഡിഎസ്എഫ് യൂണിയന് പിടിക്കുന്നത്. അതേസമയം പാലക്കാടും തൃശൂരും എസ്എഫ്ഐ നിലനിര്ത്തി.കാസര്കോട് ജില്ലാ എക്സിക്യൂട്ടീവ് യുഡിഎഫ്എഫില് നിന്ന് എസ് എഫ് ഐ പിടിച്ചെടുത്തു. അതേസമയം വയനാട് എക്സിക്യൂട്ടീവില് യുഡിഎസ്എഫ് സ്ഥാനാര്ഥി എതിരില്ലാതെ തെരഞ്ഞെടുക്കപ്പെട്ടിരുന്നു.ഫലം പുറത്തുവന്നതിന് പിന്നാലെ എസ്എഫ്ഐ-യുഡിഎസ്എഫ് പ്രവര്ത്തകര് ഏറ്റുമുട്ടി. തുടര്ന്ന് പൊലീസ് ഇടപെട്ട് എസ്എഫ്ഐ പ്രവര്ത്തകരെയും യുഡിഎസ്എഫ് പ്രവര്ത്തകരെയും ക്യാമ്പസില് നിന്ന് നീക്കി. വിദ്യാര്ഥികള്ക്ക് നേരെ പൊലീസ് ലാത്തി വീശുകയും ചെയ്തു.