ഡൽഹിയിൽ സിപിഎം പോളിറ്റ് ബ്യൂറോ (പിബി) യോഗം ഇന്നും നാളെയുമായി ചേരുന്നു. കേരളത്തിൽ വിശാല സംസ്ഥാന സമിതി യോഗം ചേരാനിരിക്കെയാണ് പിബി യോഗം ചേർന്നിരിക്കുന്നത്. വിശാല സംസ്ഥാന സമിതിയിൽ ചർച്ച ചെയ്യേണ്ട പ്രധാന വിഷയങ്ങളും, ജനറൽ സെക്രട്ടറി എം.എ. ബേബിയെ കൂടാതെ പോളിറ്റ് ബ്യൂറോയിൽ നിന്നും ആരൊക്കെ യോഗത്തിൽ പങ്കെടുക്കണമെന്നതും യോഗത്തിൽ ചർച്ചയായേക്കും. കൂടാതെ, കേരളത്തിലെ മുന്നണിയിലുള്ള തർക്കങ്ങളും ഈ യോഗത്തിൽ ചർച്ചാവിഷയമാകും എന്നാണ് റിപ്പോർട്ട്. സിപിഐയെ ഒപ്പം നിർത്തിക്കൊണ്ട് മുന്നോട്ടു പോകണമെന്നതാണ് പാർട്ടിയുടെ പൊതുവായ താൽപര്യം. അതിന് വേണ്ട പരിഹാരമാർഗ്ഗം കണ്ടെത്തി സമവായ ചർച്ചകൾക്ക് നേതൃത്വം നൽകുവാൻ വേണ്ട കാര്യങ്ങൾ പിബി ചർച്ച ചെയ്യും