പ്രതിപക്ഷ ഉപനേതൃസ്ഥാനവുമായി ബന്ധപ്പെട്ട സി പി എം – സി പി ഐ തർക്കം പൊതുവേദിയിൽ ചർച്ചയാക്കിയതിൽ കേരള കോൺഗ്രസ് (എം) ചെയർമാൻ ജോസ് കെ മാണി വീണ്ടും അതൃപ്തി പ്രകടിപ്പിച്ചു. എൽ ഡി എഫിന് മുന്നണിക്ക് ഉള്ളിൽ എളുപ്പത്തിൽ പരിഹരിക്കാവുന്ന വിഷയങ്ങൾ മാത്രമേയുള്ളൂവെന്നും, അത്തരം കാര്യങ്ങൾ പൊതുവേദിയിൽ ഉന്നയിക്കേണ്ടതല്ലെന്നും അദ്ദേഹം വ്യക്തമാക്കി. വികസന-ജനകീയ വിഷയങ്ങൾ ഏറ്റെടുത്ത് മുന്നോട്ടുപോകാനാണ് ഇടതുമുന്നണി മുൻഗണന നൽകേണ്ടതെന്നും, മുന്നണിക്കുള്ളിലെ വിഷയങ്ങൾ അതിനുള്ളിൽ തന്നെ ചർച്ച ചെയ്ത് പരിഹരിക്കണമെന്നും അദ്ദേഹം കൂട്ടിച്ചേർത്തു.വ്യാജ ചെക്ക് കേസിൽ മാണി സി കാപ്പൻ രാജിവയ്ക്കണമോ എന്നത് അദേഹം തന്നെ തീരുമാനിക്കേണ്ടതാണണ് ജോസ് കെ മാണി പറഞ്ഞു