കത്തെഴുതിവച്ച് വയോധിക കായലിൽ ചാടിയെന്ന് സംശയം.കൃഷ്ണവിലാസം തൊപ്പ് വീട്ടിൽ പൊന്നമ്മ (65) നെ തിങ്കളാഴ്ച പുലർച്ചെ നാല് മണിയോടെ ആണ് വീട്ടിൽ നിന്ന് കാണാതെ ആകുന്നത്. തുടർന്ന് നടത്തിയ തിരച്ചിലിൽ സെൻ്റ് പീറ്റേഴ്സ് സ്കൂളിന് സമീപത്തെ കടവിൽ പൊന്നമ്മയുടെ ചെരുപ്പും കുത്തി നടക്കുന്ന വടിയും കണ്ടെത്തി. അതേസമയം വീട്ടിൽ നിന്നും പൊന്നമ്മ എഴുതിയെന്ന് കരുതുന്ന കത്തും ലഭിച്ചു. ഇതോടെ പ്രദേശവാസികളായ രാഹുലിൻ്റെ നേതൃത്വത്തിൽ കായലിൽ തിരച്ചിൽ നടത്തി. പിന്നാലെ ഫയർ ആൻഡ് റെസ്ക്യൂ ഡൈവിംഗ് ഉദ്യോഗസ്ഥർ സ്ഥലത്ത് എത്തി.മാറാത്ത രോഗാവസ്ഥ മൂലം മാനസിക സമ്മർദ്ദം ഇവർ അനുഭവിച്ചിരുന്നതായി അയൽവാസികൾ പറയുന്നു. അടുത്ത ദിവസം മകൾ ആശുപത്രിയിൽ കൊണ്ടുപോകാൻ ഇരിക്കവേ ആണ് പൊന്നമ്മയെ കാണാതെ ആകുന്നത്.