ലയണൽ മെസിയെ കേരളത്തിൽ എത്തിക്കുമെന്ന പേരിൽ നടന്ന തട്ടിപ്പിൽ നിർണായക നീക്കവുമായി എസ്ഐടി രംഗത്തെത്തിയിരിക്കുന്നു. അഴിമതി നിരോധന നിയമപ്രകാരം കേസ് എടുക്കാമെന്നും റിപ്പോർട്ടർ കമ്പനിക്കെതിരെ തെളിവുണ്ടെന്നും എസ്ഐടി വ്യക്തമാക്കുന്നു. ഇതിന്റെ ഭാഗമായി സർക്കാരിന് എസ്ഐടി ശുപാർശ നൽകുമെന്നും, പ്രാഥമിക റിപ്പോർട്ട് ഇന്ന് ഡിജിപിക്ക് കൈമാറുമെന്നും അറിയിച്ചിട്ടുണ്ട്. അഴിമതി കുറ്റം ചുമത്തി നിലവിലെ എഫ്ഐആർ പുതുക്കാനാണ് തീരുമാനം. ഈ അഴിമതി കേസിൽ ആൻ്റോയും ഉദ്യോഗസ്ഥരും പ്രതികളാകുമെന്നും വ്യക്തമാക്കുന്നു. കൂടാതെ, ഇഡി, ആർബിഐ, കസ്റ്റംസ് എന്നിവയുടെ നേതൃത്വത്തിൽ കേന്ദ്ര ഏജൻസികളുടെ അന്വേഷണത്തിനും പ്രത്യേക അന്വേഷണ സംഘം ശുപാർശ ചെയ്യുന്നുണ്ട്.