തിരുവനന്തപുരം യൂണിവേഴ്സിറ്റി ഹോസ്റ്റലിൽ നിന്ന് മദ്യക്കുപ്പികളും കല്ലുകളും വലിച്ചെറിഞ്ഞ സംഭവത്തിൽ ഉന്നത വിദ്യാഭ്യാസ വകുപ്പ് ഔദ്യോഗിക അന്വേഷണം പ്രഖ്യാപിച്ചു .വിദ്യാർത്ഥികൾ അല്ലാത്തവർ ഹോസ്റ്റലിൽ അനധികൃതമായി താമസിക്കുന്നുണ്ടോയെന്നും ലഹരിവസ്തുക്കൾ ഉപയോഗിക്കുന്നുണ്ടോയെന്നും പരിശോധിക്കുന്നതിനായി ഒരു പ്രത്യേക സമിതിയെ നിയോഗിച്ചിട്ടുണ്ട്. സമിതിയുടെ റിപ്പോർട്ട് ലഭിച്ച ശേഷം ശക്തമായ തുടർനടടികൾ സ്വീകരിക്കുമെന്ന് ഉന്നത വിദ്യാഭ്യാസ മന്ത്രി അറിയിച്ചു. യൂത്ത് കോൺഗ്രസ് നടത്തിയ മാർച്ചിന് നേരെ ഹോസ്റ്റലിൽ നിന്ന് എസ്.എഫ്.ഐ പ്രവർത്തകർ കല്ലെറിഞ്ഞതാണ് കഴിഞ്ഞ ദിവസത്തെ സംഘർഷത്തിന് കാരമെന്ന യൂത്ത് കോൺഗ്രസിന്റെ പരാതിയെത്തുടർന്നാണ് ഈ നടപടി.