മാസപ്പടി-ഹവാല ആരോപണങ്ങളിൽ വിജിലൻസ് സ്പെഷ്യൽ ഇൻവെസ്റ്റിഗേഷൻ ടീം കേസെടുത്ത് അന്വേഷണം ആരംഭിച്ചു. ഹൈക്കോടതി നിർദ്ദേശത്തെ തുടർന്നാണ് അഴിമതി നിരോധന നിയമപ്രകാരവും കള്ളപ്പണ ഇടപാടിലുമായി വിജിലൻസ് രണ്ട് എഫ്.ഐ.ആറുകൾ രജിസ്റ്റർ ചെയ്തിരിക്കുന്നത്.ആദ്യത്തെ മാസ്സപ്പടി കേസിൽ മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയനെ ഒന്നാം പ്രതിയായും, രണ്ടാമത്തെ അഴിമതി കേസിൽ മുൻ മന്ത്രി മുഹമ്മദ് റിയാസിനെ ഒന്നാം പ്രതിയായും ഉൾപ്പെടുത്തിയിട്ടുണ്ട്.ഈ രണ്ട് കേസുകളിലും വീണാ വിജയനാണ് രണ്ടാം പ്രതി.അതേസമയം, വിജിലൻസ് കേസിനെതിരെ ഹൈക്കോടതി സിംഗിൾ ബെഞ്ച് ഉത്തരവിനെതിരെ അപ്പീൽ നൽകാൻ പിണറായി വിജയൻ നിയമോപദേശം തേടിയിട്ടുണ്ട്.എഫ്.ഐ.ആർ ഇടുന്നതിന് മുൻപ് കോടതിയെ സമീപിക്കാൻ നടത്തിയ നീക്കത്തിന്റെ ഭാഗമായി, ഉത്തരവിലെ നിരീക്ഷണങ്ങൾ നേരിട്ട് ബാധിക്കുന്ന വ്യക്തിയെന്ന നിലയിൽ ഷാജഹാൻ നൽകിയ ഹർജിയിൽ കക്ഷിയാകാനും ഹൈക്കോടതിയിൽ അപ്പീൽ നൽകാനുമാണ് ആലോചന. ഉത്തരവിലെ നിരീക്ഷണങ്ങൾ ലളിതകുമാരി കേസിന് വിരുദ്ധമാണെന്ന കാര്യം കോടതിയെ അറിയിക്കുമെന്നും സൂചനയുണ്ട്.