സീറോ മലബാർ സഭയുടെ വലിയ ഇടയനെ ഇന്ന് പ്രഖ്യാപിക്കും. ആർച്ച് ബിഷപ്പിനെ തിരഞ്ഞെടുക്കാനുള്ള നടപടികൾ സഭാ സിനഡിൽ പൂർത്തിയായി. ഇത് സംബന്ധിച്ച വിവരം മാർപാപ്പയെ ഇന്നലെ വൈകിട്ടു തന്നെ അറിയിച്ചുവെന്നാണ് അറിയുന്നത്.
മേജർ ആർച്ച് ബിഷപ്പിനെ പ്രഖ്യാപിക്കു ന്നതോടെ സിനഡ് സമ്മേളനം അവസാനിക്കും. സ്ഥാനാരോഹണം എന്ന് ഉണ്ടാകുമെന്നതിൽ വ്യക്‌തതയില്ല.
സഭാ ആസ്ഥാന ദേവാലയമായ എറണാകുളം സെന്റ് മേരീസ് ബസിലിക്കയിലാണു സ്ഥാനാരോഹണം നടക്കേണ്ടത്. ബസിലിക്ക അടഞ്ഞുകിടക്കുന്ന സാഹച ര്യത്തിൽ കീഴ് വഴക്കം പാലിക്കുമോ അതോ പുതിയ തീരുമാനങ്ങൾ ഉണ്ടാവുമോ എന്നും വിശ്വാസികൾ ഉറ്റുനോക്കുന്നു.
ഇതിനിടെ, വത്തിക്കാൻ നയതന്ത്ര കാര്യാ ലയത്തിൽനിന്നുള്ള ഒരു മലയാളി വൈദികൻ ഇന്നലെ ആസ്ഥാനത്തെത്തി സഭാ സഭാ അഡ്മിനിസ്ട്രേറ്റർക്ക് ഇന്ത്യയിലെ വത്തിക്കാൻ പ്രതിനിധിയുടെ സന്ദേശം കൈമാറിയതായി സൂചനയുണ്ട്. ബസിലിക്ക തുറക്കുന്ന കാര്യവും സഭാവൃത്തങ്ങൾ ചർച്ച ചെയ്‌തതായി അറിയുന്നു.